ବାଲେଶ୍ବର,- ପ୍ରତିବର୍ଷ ପରି ଏବର୍ଷ ମଧ୍ୟ ସୁଣ୍ଢିରା ଗଣ୍ଡିବେଡ ହନୁମାନ ମନ୍ଦିର ପରିସରରେ ଶ୍ରୀରାମ ନବମୀ ଯଜ୍ଞ ଓ ଚତୁର୍ଥ ପ୍ରହରୀ ନାମ ସଙ୍କିର୍ତ୍ତନ କାର୍ଯ୍ୟକ୍ରମ ଖୁବ୍ ଧୁମଧାମରେ ପାଳିତ ହୋଇ ଯାଇଛି । ନିକଟସ୍ଥ ପୋଖରୀରୁ ଶୋଭାଯାତ୍ରାରେ କଳସ ଅଣାଯାଇ ବିଧିବିଧାନ ସହିତ ପୂଜା କାର୍ଯ୍ୟ ହୋଇଥିଲା । ପୂଜକ ଜଗନ୍ନାଥ ପଣ୍ଡା ଓ ପଦ୍ମନାଭ ମିଶ୍ରଙ୍କ ଦ୍ବାରା ସମସ୍ତ ପୂଜା କାର୍ଯ୍ୟ ସମାପ୍ତ ହୋଇଥିଲା । ଚତୁର୍ଥ ପ୍ରହରୀ ନାମ ମନ୍ତ୍ର ପୂଜକ ସୁଦର୍ଶନ ମହୁରୀ ଓ ଶତୃଘ୍ନ ସେଠୀଙ୍କ ଦ୍ବାରା ସଙ୍କିର୍ତ୍ତନ ପରିବେଷଣ ହୋଇଥିଲା । ଉକ୍ତ କାର୍ଯ୍ୟକ୍ରମକୁ ମନ୍ଦିର ପରିଚାଳକ ନିରଞ୍ଜନ ବେହେରାଙ୍କ ତତ୍ତ୍ୱାବଧାନରେ ଶଙ୍କର୍ଷଣ ରାୟ, ମମ୍ମଥ ଦାସ, ସୁରେନ୍ଦ୍ର ପ୍ରସାଦ ରାଉତ, ହରିଶ୍ଚନ୍ଦ୍ର ପରିଡା, ତ୍ରିଲୋଚନ ନାୟକ, ଲକ୍ଷ୍ମୀଧର ନାୟକ, ମହେନ୍ଦ୍ର କୁମାର ଶିଅଳ, ପର୍ଶୁରାମ ବେହେରା, ରତ୍ନାକର ବେହେରା, ବସନ୍ତ କୁମାର ଲେଙ୍କା, ଶିଶିର କୁମାର ନାୟକ, ମହେନ୍ଦ୍ର ସେଠୀ, ବାଉଲି ସେଠୀ, ଚିତ୍ତରଞ୍ଜନ ଦାସ ଓ ଶରତ ଚନ୍ଦ୍ର ନାୟକ ପ୍ରମୁଖ ଆରମ୍ଭରୁ ଶେଷ ପର୍ଯ୍ୟନ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏହାକୁ ଦେଖିବା ପାଇଁ ସମ୍ପୃକ୍ତ ଅଞ୍ଚଳରୁ ଅନେକ ଭକ୍ତଙ୍କ ସମାଗମ ହୋଇଥିଲା ।।
