କଣ୍ଟାବାଞ୍ଜି : ବଲାଙ୍ଗିର ଜିଲ୍ଲା ଅଞ୍ଚଳରେ ହତ୍ୟା କାଣ୍ଡ ଥମିବାର ନାଁ ଧରୁନି, କେତେବେଳେ ତୁସରା ଥାନା ଅଞ୍ଚଳରେ ଶାଶୁ ବହୁଙ୍କୁ ହତ୍ୟା ତ କେତେବେଳେ ବେଳପଡ଼ା ଥାନା ଅଞ୍ଚଳରେ ସମିତି ସଭ୍ୟଙ୍କ ସ୍ଵାମୀଙ୍କୁ ଗୁଳି କରି ହତ୍ୟା, ଗତକାଲି କଣ୍ଟାବାଞ୍ଜି ରେଲୱେ ପୋଲିସ ଓ ଲୋକାଲ ପୋଲିସ ଉଲଗ୍ନ ଅବସ୍ତାରେ ରେଲୱେ ଷ୍ଟେସନ ଦୁଇ ସହ ମିଟର ଦୂରତା ନୂତନ ନିର୍ମାଣ ଡ୍ରେନ ରୁ ଶବ ଉଦ୍ଧାର କରିଥିଲେ I ଆଜି ତୁରେକେଲା ପୋଲିସ ମହୁଲପାଟି ଗାଁ ଗଞ୍ଜାଗୁଡା ଘନ ଜଙ୍ଗଳ ଭିତରୁ ଜଣେ ବ୍ୟକ୍ତିଙ୍କ ରକ୍ତ ଜୁଡ଼ୁବୁଡ଼ୁ ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର କରିଛି, ପାରିପାର୍ଶ୍ବିକ ସ୍ଥିତିରୁ ଯାହା ଜଣାପଡୁଛି ଯେ ଦୁର୍ବୃତ୍ତମାନେ ଅନ୍ୟ ସ୍ଥାନରେ ହତ୍ୟା କରିବା ପରେ ଘୋଷାଡ଼ି ଘୋଷାଡ଼ି ଆଣି ଆତ୍ମ ହତ୍ୟାର ରୂପ ଦେବାକୁ ଚେଷ୍ଟା କରିଛନ୍ତି I କଣ୍ଟାବାଞ୍ଜି ଏସଡିପିଓ ହୃଷୀକେଶ ମେହେର ଓ କଣ୍ଟାବାଞ୍ଜି ଥାନା ଅଧିକାରୀ ସତ୍ୟଜିତ ଖଣ୍ଡେଲକର ତଥା ତୁରେକେଲା ଥାନା ଅଧିକାରୀ ମୁର୍ମୁ ଓ ବଲାଙ୍ଗିର ସାଇଣ୍ଟିଫିକ ଦଳ ପହଞ୍ଚି ହତ୍ୟା କାଣ୍ଡର ରହସ୍ୟକୁ ତଦନ୍ତ ଆରମ୍ଭ କରିଛନ୍ତି I ମୃତ ବ୍ୟକ୍ତିର ପରିଚୟ ଜଣାପଡି ନଥିବା ବେଳେ କିଛି ପ୍ରମାଣ ପୋଲିସର ହସ୍ତଗତ ହୋଇଛି ଯାହା ଫଳରେ ହତ୍ୟାକାଣ୍ଡ ଘଟାଇଥିବା ଦୁର୍ବୃତ୍ତମାନଙ୍କ ନିକଟକୁ ପୋଲିସ ସହଜରେ ପହଞ୍ଚି ପାରିବ ବୋଲି ସୂଚନା ମିଳିଛି I
