ଧାମନଗର – ଧାମନଗର ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ଦକ୍ଷିଣବାଡ଼ ସ୍ଥିତ ଗାୟତ୍ରୀ ପଡ଼ିଆ ଠାରେ ଶନିବାର ପୂର୍ବାହ୍ନରେ ବିଶ୍ୱଶାନ୍ତି ପାଇଁ ଗାୟତ୍ରୀ ମହାଯଜ୍ଞ ଓ କଳସ ଶୋଭାଯାତ୍ରା ଆରମ୍ଭ ହୋଇଛି। ଏହି କାର୍ଯ୍ୟକ୍ରମ ୨୩-୨୪ ଦୁଇଦିନ ଅନୁଷ୍ଠିତ ହେବ। ପ୍ରଥମେ ଶନିବାର ସକାଳୁ ଭକ୍ତ ଶ୍ରଦ୍ଧାଳୁମାନଙ୍କ ଦ୍ୱାରା ୧୦୮ କଳସ ଶୋଭାଯାତ୍ରା ଧାମନଗର ବିଭିନ୍ନ ଅଞ୍ଚଳ ପରିକ୍ରମା କରାଯିବା ସହ ଦକ୍ଷିଣବାଡ଼ ପଡ଼ିଆ ଠାରେ ପହଞ୍ଚି ସେଠାରେ ପୂଜାର୍ଚ୍ଚନା କରାଯାଇଥିଲା। ଉକ୍ତ କାର୍ଯ୍ୟକ୍ରମକୁ ଅଖିଳ ବିଶ୍ୱ ଗାୟତ୍ରୀ ପରିବାର ଶାନ୍ତିକୁଞ୍ଜ ହରିଦ୍ୱାର ମାଗଦର୍ଶାନୁଯାଇ ଯଜ୍ଞ କାର୍ଯ୍ୟକ୍ରମକୁ ସମ୍ପାଦନା କରାଯିବା ପରେ ସନ୍ଧ୍ୟା ସମୟରେ ଜିଲ୍ଲାର ବରିଷ୍ଠ ଗାୟତ୍ରୀ ପ୍ରବଚକ ପଦ୍ମନାଭ ସାମଲ ,ଶାନ୍ତିଲତା ସାମଲଙ୍କ ଦ୍ଵାରା ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ୨୪ ତାରିଖ ରବିବାର ଦିନ ଆଦ୍ୟାଶକ୍ତି ଗାୟତ୍ରୀ ମାତାଙ୍କର ପୂଜାର୍ଚ୍ଚନା ସହ ପୂର୍ଣ୍ଣାହୁତି ଦିଆଯାଇ ସମସ୍ତ କାର୍ଯ୍ୟ ସମ୍ପାଦନା କରାଯିବ ବୋଲି ଜଣାଯାଇଛି। ଏହି କାର୍ଯ୍ୟକ୍ରମକୁ ଗାୟତ୍ରୀ ପରିବାରର ଗଦାଧର ଯେନା, ମହେଶ୍ୱର ନାୟକ, ନୃସିଂହ ତରାଇ, କେଦାରନାଥ ମହାପାତ୍ର ପ୍ରମୁଖ ସହଯୋଗ କରିଥିଲେ।
