ଧାମନଗର – ଧାମନଗର ଏନ ଏ ସି ଅନ୍ତର୍ଗତ ଧାମନଗର ମହାବିଦ୍ୟାଳୟର ପ୍ରାଣୀ ବିଜ୍ଞାନର ପ୍ରାଧ୍ୟାପକ ଓ ବିଭାଗୀୟ ମୁଖ୍ୟ ମହମ୍ମଦ ନୀୟାଜ ଅହେମ୍ମଦଙ୍କ୩୦/୦୪/୨୨ରେ ତାଙ୍କ ଚାକିରି ଜୀବନରୁ ଅବସର ଗ୍ରହଣ କରିଛନ୍ତି। ଏନେଇ ମହାବିଦ୍ୟାଳୟ କର୍ମଚାରୀ ସଂଘର ସଭାପତି ତଥା ଅଧ୍ୟାପକ ଡାଃ ସମୀର କୁମାର ହୁଇଙ୍କ ପୌରହିତ୍ୟରେ ଅନୁଷ୍ଠିତ ବିଦାୟ ସମ୍ବର୍ଦ୍ଧନା ଉତ୍ସବରେ ମୁଖ୍ୟ ଅତିଥି ଭାବେ ମହାବିଦ୍ୟାଳୟ ଅଧ୍ୟକ୍ଷ ପବିତ୍ର କୁମାର ପାଣିଗ୍ରାହୀ,ପ୍ରାଧ୍ୟାପକ ବନମାଳୀ ଦାଶ, ଆଶିଷ ସ୍ୱାଇଁ, ଡାଃ ମନୋଜ କୁମାର କର, ସ୍ମରଣିକା ପ୍ରଧାନ ପ୍ରମୁଖ ଯୋଗ ଦେଇ ପ୍ରତିଟି ବିଦାୟ ନୂତନ ମିଳନର ସନ୍ଦେଶ ବହନ କରେ। ଏବଂ ପ୍ରତିଟି ସୂର୍ଯ୍ୟାସ୍ତ ଏକ ନୂଆ ସକାଳର ପ୍ରତୀକ୍ଷା ରଖେ। ଜଣେ ନିରୀହ,ସରଳ ଓ ଭଲ ମଣିଷ ପାଇଁ ପ୍ରତିଟି ସକାଳ ଏକ ନୂଆ ସକାଳ ହୋଇ ଆସେ ବୋଲି ଅତିଥି ମାନେ ତାଙ୍କ ନିଜ ନିଜର ବକ୍ତବ୍ୟରେ ସୂଚନା ଦେଇ ଅବସର ଗ୍ରହଣ କରିଥିବା ନୀୟାଜ ଅହେମ୍ମଦଙ୍କୁ ମହାବିଦ୍ୟାଳୟ ପକ୍ଷରୁ ମାନପତ୍ର ଉପଢୌକନ ସହ ପୁଷ୍ପଗୁଚ୍ଛ ଦୁଇ ସମ୍ବର୍ଦ୍ଧିତ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ସଂଘର ସମ୍ପାଦକ ପ୍ରାଧ୍ୟାପକ ମହମ୍ମଦ ଇସରାଇଲ ସ୍ୱାଗତ ଭାଷଣ ପ୍ରଦାନ ଓ ପ୍ରକାଶ ଚନ୍ଦ୍ର ମହାପାତ୍ର ମାନପତ୍ର ପାଠ କରିଥିବା ବେଳେ ପ୍ରାଧ୍ୟାପକ ପ୍ରଦୀପ କୁମାର ରାୟ ଧନ୍ୟବାଦ ଅର୍ପଣ କରିଥିଲେ। ଅଧ୍ୟାପିକା ବାସ୍ତବିକା ଦାସ, ସୁରେନ୍ଦ୍ର କୁମାର ଜେନା, ଆଦ୍ୟାରଶ୍ମୀ ମିଶ୍ର,ଧରିତ୍ରୀ ସାମନ୍ତରାୟ ପ୍ରମୁଖ ବିଦାୟ ସମ୍ବର୍ଦ୍ଧନା ଉତ୍ସବରେ ସହଯୋଗ କରିଥିଲେ।
