ରାଇରଙ୍ଗପୁର:– ମୟୁରଭଞ୍ଜ ଜିଲ୍ଲା ବହଳଦା ଅଞ୍ଚଳର ବିଶିଷ୍ଠ ଉଦ୍ୟୋଗପତି ରାଜେନ୍ଦ୍ର ପ୍ରସାଦ ଯାଦବ’ଙ୍କ ପ୍ରଥମ ଶ୍ରାଦ୍ଧ ବାର୍ଷିକିରେ ପରିକ୍ରମା ପରିବାର ପକ୍ଷରୁ ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଇଥିବା ବେଳେ ଯାଦବ ପରିବାର ପକ୍ଷରୁ ବହଳଦା ଧୀରଜଲାଲ କଲେଜରେ ଥଣ୍ଡା ପାନୀୟ ଜଳ ପ୍ରକଳ୍ପ ସ୍ଥାପିତ କରାଯାଇଛି। ସ୍ବର୍ଗତ ରାଜେନ୍ଦ୍ର ପ୍ରସାଦ ଯାଦବ (ରାଜୁ)’ଙ୍କ ପ୍ରଥମ ପୁଣ୍ୟ ତିଥିରେ ତାଙ୍କ ବାସ ଭବନ ଠାରେ ପରିକ୍ରମା ପରିବାର ପକ୍ଷରୁ ଭାବପୂର୍ଣ୍ଣ ଶ୍ରଦ୍ଧାଳୀ ଅର୍ପଣ ସହ ଏକ ଶ୍ରଦ୍ଧାଞ୍ଜଳୀ ଶୋଭା ଆୟୋଜିତ ହୋଇଯାଇଛି। ଶ୍ରଦ୍ଧାଞ୍ଜଳୀ ଶୋଭା ଟି ରଞ୍ଜନ କୁମାର ନନ୍ଦ’ଙ୍କ ସଂଯୋଜନାରେ ଅନୁଷ୍ଠିତ ହୋଇଥିବା ବେଳେ ବିଶିଷ୍ଠ ରାଜନିତିଜ୍ଞ ତଥା ପରିକ୍ରମା ଉପଦେଷ୍ଟା ଇଶାନ ମିଶ୍ର ଏଥିରେ ସଭାପତିତ୍ବ କରିଥିଲେ। ଶ୍ରଦ୍ଧାଞ୍ଜଳୀ ଶୋଭାରେ ଡଃ ଦିଗମ୍ବର ଗିରି, ତିମିର ରଞ୍ଜନ ପଣ୍ଡା, ଅଧ୍ୟାପକ ବିଜୟ ରାମ, ରାଇରଙ୍ଗପୁର ପୌର ଅଧ୍ୟକ୍ଷ ଅଭିଷେକ ପଟ୍ଟନାୟକ, ଅତନୁ ମହାନ୍ତି ପ୍ରମୁଖ ସ୍ବର୍ଗତ ଯାଦବ’ଙ୍କ ସୃତୀଚାରଣ କରିଥିଲେ। ସ୍ବର୍ଗତ ଯାଦବ’ଙ୍କ ପ୍ରଥମ ପୁତ୍ର ରହୁଲ ଯାଦବ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
