ବାଲିଆପାଳ : ବାଲିଆପାଳ ବ୍ଲକ ଅନ୍ତର୍ଗତ ଜାମକୁଣ୍ଡା ପଞ୍ଚାୟତର ଜାମକୁଣ୍ଡା ଲକ ନିକଟରେ ଥିବା ଗଦାଧର ବିହାର ସରସ୍ଵତୀ ଶିଶୁ ବିଦ୍ୟା ମନ୍ଦିର ପରିସର ରେ ବୁଧବାର ପୂର୍ବାହ୍ନରେ ଜାମକୁଣ୍ଡା ବରିଷ୍ଠ ନାଗରିକ କଲ୍ୟାଣ ସେମିତି ର ତୃତୀୟ ବାର୍ଷିକ ଉତ୍ସବ ମହାଆଡମ୍ବର ସହକାରେ ଅନୁଷ୍ଠିତ ହୋଇଯାଇଛି। ସଂଘ ର ସ୍ଥାୟୀ ସଭାପତି କାଳୀଚରଣ ବେହେରାଙ୍କ ଅଧ୍ୟକ୍ଷ ତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଅବସରପ୍ରାପ୍ତ ଶିକ୍ଷକ କର୍ମଚାରୀ ସଙ୍ଗଠନ ର ସଂପାଦକ ରାଖାଲ ଚନ୍ଦ୍ର ଦାସ, ମୁଖ୍ୟ ବକ୍ତା ଭାବରେ ଅବସର ପ୍ରାପ୍ତ ପ୍ରାଧ୍ୟାପକ କୁଞ୍ଜାକନ୍ତ ପାତ୍ର, ସମ୍ମାନିତ ଅତିଥି ଭାବରେ ଜାମକୁଣ୍ଡା ପଞ୍ଚାୟତର ପୁର୍ବତନ ସରପଞ୍ଚ ମହେଶ୍ୱର ଘଡାଇ ଯୋଗ ଦେଇ ବରିଷ୍ଠ ନାଗରିକ ଙ୍କ ସମସ୍ୟା ଓ ସମାଧାନ ର ପ୍ରକ୍ରିୟା ବିଷୟ ରେ ବକ୍ତବ୍ୟ ରଖିଥିଲେ। ଅବସର ପ୍ରାପ୍ତ ଶିକ୍ଷକ ତଥା ସଂଠନ ର ସଂପାଦକ ଶ୍ରୀକାନ୍ତ ଜେନା ସଙ୍ଘର ବର୍ଷିକ ବିବରଣୀ ପାଠ କରିଥିଲେ । ଅନ୍ୟ ମାନଂକ ମଧ୍ୟରେ ସଙ୍ଗଠନ ର ଉପସଭାପତି ଶ୍ୟାମ ସୁନ୍ଦର ସାହୁ, ଜାମକୁଣ୍ଡା ପଞ୍ଚାୟତର ର ସରପଞ୍ଚଙ୍କ ପ୍ରତିନିଧି ଜଗନ୍ନାଥ ମାହାନା, ବରିଷ୍ଠ ନାଗରିକ କଲ୍ୟାଣ ସମିତିର ସଦସ୍ୟ ଦିଲ୍ଲୀପ କୁମାର ସିଂ, ଭୂବନ ଚରଣ ଜେନା, ବିଜୟ କୁମାର ସାହୁ, ଗୌରାଙ୍ଗ ଦାସ, ରାଜକିଶୋର ଦାସ, ରାମନାଥ ସାହୁ, ମନମୋହନ ସାହୁ ଙ୍କ ସହିତ ସମସ୍ତ ସଦସ୍ୟ ସଭାରେ ଯୋଗ ଦେଇଥିଲେ। ସଭାକାର୍ଯ୍ୟ ପ୍ରାରମ୍ଭ ରେ ଅତିଥି ମାନଙ୍କୁ ପୁଷ୍ପ ଗୁଚ୍ଛ ପ୍ରଦାନ କରାଯିବା ପରେ ସ୍ଵାଗତ ସଙ୍ଗୀତ ପରିବେଷଣ କରାଯାଇଥିଲା।
