ଅସ୍ତରଙ୍ଗ – ଆଜି କାକଟପୁର ଅସ୍ତରଙ୍ଗ ଥାନା ପରିସରରେ ଆମ ପୋଲିସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।କାକଟପୁର ଥାନା ଅଧିକାରୀ ପ୍ରିୟ ରଞ୍ଜନ ନାୟକ ଅସ୍ତରଙ୍ଗ ଥାନା ଅଧିକାରୀ ବାମଦେବ ନନ୍ଦ ଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ କାକଟପୁର ଅସ୍ତରଙ୍ଗ ଅଞ୍ଚଳର ବୁଦ୍ଧିଜୀବୀ, ବରିଷ୍ଠ ନାଗରିକ, ସମାଜସେବୀ, ମହିଳା,ଜନପ୍ରତିନିଧିମାନେ ଯୋଗଦେଇ ପୋଲିସ ସାଧାରଣ ଲୋକଙ୍କ ମଧ୍ୟରେ କିଭଳି ଭାବେ ସୁସମ୍ପର୍କ ରହି ପାରିବ ସେ ସମ୍ପର୍କରେ ଆଲୋଚନା କରାଯାଇଥିଲା।କାକଟପୁର ଥାନା ଅଧିକାରୀ ପ୍ରିୟ ରଞ୍ଜନ ନାୟକଙ୍କ ଏତାଦୃଶ ପ୍ରଶଂସନୀୟ କାର୍ଯ୍ୟ କାକଟପୁରବାସୀ ଗୌରବାନୀତ ବୋଲି ଉପସ୍ଥିତ ବୁଦ୍ଧିଜୀବୀ ମାନେ ନିଜ ଅଭିଭାଷଣରେ ମନ୍ତ ପ୍ରକାଶ କରିଥିଲେ।ସେହିଭଳି ଭାବେ ଅସ୍ତରଙ୍ଗ ଥାନା ଅଧିକାରୀ ବାମଦେବ ନନ୍ଦ ସମନ୍ବୟ ରକ୍ଷା କରି ନ୍ୟାୟିକ ବ୍ୟବସ୍ଥାକୁ ତ୍ବରାନ୍ବିତ କରୁଥିବାରୁ ସ୍ଥାନୀୟ ଜନସାଧାରଣ ପ୍ରିୟଭାଜନ ହୋଇପାରିଛନ୍ତ।ଏହି କାର୍ଯ୍ୟକ୍ରମରେ ନିମାପଡା ପୋଲିସ ଉପଖଣ୍ଡ ଅଧିକାରୀ ଦେବାଶିଷ ମିଶ୍ର,ପୁରୀ ଜିଲ୍ଲା ଜିଲ୍ଲା ପରିଷଦ ଉପାଧ୍ୟକ୍ଷ ସ୍ବାଧୀନ ନାୟକ,ବାଙ୍ଗୁରିଗାଁ ଉପଖଣ୍ଡ ମେଡ଼ିକାଲ ଅଧିକାରୀ ଡ଼ଃ ଆଶିଷ ମହାପାତ୍ର,କୁଣ୍ଢେଇ ସରପଞ୍ଚଙ୍କ ପ୍ରତିନିଧି ବିପିନ ଦାସ,ପୂର୍ବତନ ଶିକ୍ଷା ଅଧିକାରୀ କୈଳାସ ଦାଶ,ଅସ୍ତରଙ୍ଗ ଗ୍ରାମ ପଞ୍ଚାୟତ ସରପଞ୍ଚ ରାମଚନ୍ଦ୍ର କାଣ୍ତି,ବିମ୍ବାଧର ବିଶ୍ୱାଳ,ଓ.ୟୁ.ଡ଼ବ୍ଲୁ. ଯେ ପୁରୀ ଜିଲ୍ଲା ଶାଖା ସଭାପତି ଶରତଚନ୍ଦ୍ର ପରିଡ଼ା ପ୍ରମୁଖ ଆମ ପୋଲିସ କାର୍ଯ୍ୟକ୍ରମରେ ଯୋଗଦେଥିଲେ।ସଭାପତି ଶ୍ରୀ ପରିଡ଼ା ଉଭୟ ଥାନାରେ ଉପସ୍ଥିତ ରହି ଅଞ୍ଚଳରେ ପୋଲିସ କିଭଳି ଭାବେ ମୋ ପୋଲିସ ହୋଇପାରିବ ସେ ସମ୍ପର୍କରେ ପରାମର୍ଶ ଦେଇଥିଲେ।
