କଣ୍ଟାବାଞ୍ଜି – ବଲାଙ୍ଗୀର ଜିଲ୍ଲା ମୁରିବାହାଲ ଥାନା ଅଞ୍ଚଳରେ ଦିନକୁ ଦିନ ବିଗିଡିବାରେ ଲାଗିଛି ଆଇନ ବ୍ୟବସ୍ଥା l ବଜାର ରୁ ମୋଟର ସାଇକେଲ ବାରମ୍ବାର ଚୋରି, ବ୍ଲକ ଭିତରୁ ମୂଲ୍ୟବାନ ଦାମୀ ଜିନିଷ ସର୍ବ ସମ୍ମୁଖ ରୁ ଚୋରି ଏପରିକି ଥାନା ଅଞ୍ଚଳରେ ଘଟୁଛି ଅନେକ ଘଟଣା l କିନ୍ତୁ ପୋଲିସ ର ଆନ୍ତରିକତା ର ଅଭାବ ଯୋଗୁଁ ଆଜି ପର୍ଯ୍ୟନ୍ତ ସବୁ ଘଟଣାରେ ଅଭିଯୁକ୍ତ କୁ ଧରିବାରେ ବିଫଳ ହେଉଥିବା ଅଭିଯୋଗ ହୋଇଛି l ଫାଇଭ ଟି ଓ ମୋ ସରକାରକୁ ଫୁ କରି ଫୁକି ଦେଉଛନ୍ତି ଥାନା ପ୍ରଭାରୀ l ଏବେ ଥାନା ପ୍ରଭାରୀଙ୍କ ଭୂମିକା କୁ ନେଇ ସାଧାରଣରେ ଜୋର ଧରିଛି ଚାର୍ଚ୍ଚl l
ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଅଂଚଳରେ ଦିନକୁ ଦିନ ବଢି ଚାଲିଛି ଚୋରି ଓ ଡକାୟତି l ଗତ ମାର୍ଚ୍ଚ ମାସ ୧୩ ତାରିଖ ଦିନ ବ୍ଳକ ଅଧ୍ୟକ୍ଷ ଙ୍କ ପ୍ରକୋଷ୍ଠ ରେ ମୁରିବାହାଲ ବ୍ଳକ ତହବିଲରୁ କିଣାଯାଇଥିବା ଲକ୍ଷାଧିକ ଟଙ୍କା ବ୍ୟୟ ରେ ଦାମୀ ଏସି,ସୋଫାସେଟ,ଏଲଇଡି ଟିଭି, ଚୋକି ସମେତ ଅନ୍ୟାନ୍ୟ ବହୁ ଦାମୀ ସାମଗ୍ରୀ ଚୋରି ହୋଇଥିବା ବେଳେ ଖୋଦ ମୁରିବାହାଲ ବିଡିଓ ପ୍ରିୟ ରଞ୍ଜନ କୁମାର ମୁରିବାହାଲ ଥାନା ରେ ଲିଖିତ ଅଭିଯୋଗ କରିଥିଲେ । ବ୍ଲକ ପରିସର ରେ ଥିବା ସିସିଟିଭି ଫୁଟେଜ କୁ ନେଇ ତଦନ୍ତ କରିଥିଲା ପୋଲିସ ହେଲେ କାର୍ଯ୍ୟାନୁଷ୍ଠାନ ଶୁନ୍ l ସେହିପରି ହଳଦୀ ଓ ମୁରିବାହାଲ ଠାରେ ବସୁଥିବା ସପ୍ତାହିକ ବଜାର ଠାରୁ ବାରମ୍ବାର ୭ ରୁ ଅଧିକ ମୋଟର ସାଇକେଲ ଚୋରି ହେଇଛି l ଏପରିକି ଜଣେ ଷ୍ଟେଟ ବ୍ୟାଙ୍କ କିଓସ୍କ ବ୍ୟାଙ୍କ କର୍ମଚାରୀ ଠାରୁ ତିନି ଲକ୍ଷ ଟଙ୍କା ନେଇ ବ୍ୟାଙ୍କ କୁ ଆସୁଥିବା ବେଳେ ବାଟରେ ଟଙ୍କା ଲୁଟି କରି ଫେରାର ମାରିଥିଲେ ଲୁଟେରା l ଏମିତି ଅନେକ ଘଟଣା ଘଟିଥିଲେ ବି ମୁରିବାହାଲ ପୋଲିସ ର ଆନ୍ତରିକତା ଅଭାବ ଯୋଗୁଁ ପୋଲିସ ର ହାତ ଖାଲି ଥିବା ଅଭିଯୋଗ ହେଉଛି l ଦିନକୁ ଦିନ ଏଭଳି ଘଟଣା ଘଟୁଥିବାରୁ ଭୟଭୀତ ହେଉଛନ୍ତି ଅଞ୍ଚଳବାସୀ l ଅତି ଶୀଘ୍ର ଏକ ଟିମ ଗଠନ କରାଯାଇ ସବୁ ଘଟଣାର ଅଭିଯୁକ୍ତ ଙ୍କୁ ଗିରଫ କରିବା ପାଇଁ ଦାବି କରିଛନ୍ତି ବୁଦ୍ଧିଜୀବୀ l
ଲୋକଙ୍କ ସୁରକ୍ଷା ଓ ଆଇନ ଶୃଙ୍ଖଳା ପରିସ୍ଥିତି ପାଇଁ ବିଭିନ୍ନ ଅଞ୍ଚଳରେ ଖୋଲା ହୋଇଛି ଥାନା l ଘଟୁଥିବା ଘଟଣା ଉପରେ ଲୋକେ କିଭଳି ଭାବରେ ପୋଲିସ ପାଖରୁ ନ୍ୟାୟ ମିଳିବ ଓ ଥାନାରେ ସ୍ୱଚ୍ଛତାର ପରିବର୍ତ୍ତନ ପାଇଁ ରାଜ୍ୟ ସରକାର ଲାଗୁ କରିଛନ୍ତି ଫାଇଭ ଟି ଓ ମୋ ସରକାର l ହେଲେ ଏଠି କିନ୍ତୁ ଫାଇପ ଟି କୁ ଫୁ କରୁଛନ୍ତି ଥାନା ପ୍ରଭାରୀ l ଏମିତି ଅନେକ ଘଟଣା ଘଟୁଛି ହେଲେ ଆଜି ପର୍ଯ୍ୟନ୍ତ ସବୁ ଘଟଣା ର ଅଭିଯୁକ୍ତ କୁ ଧରିବାରେ ଫେଲ ମାରିଛି ମୁରିବାହାଲ ପୋଲିସ l ପୋଲିସକୁ ଖୋଲା ଚେଲେଞ୍ଜ କଲା ଭଲି ଘଟିଚାଲିଛି ଗୋଟେ ପରେ ଗୋଟେ କାଣ୍ଡ ଅଭିଯୁକ୍ତ ମାନଙ୍କ ସହ ହାତ ମିଳାଇଲା ଭଲି ଚୁପ୍ ଚାପ୍ ରହୁଥିବା ହେତୁ ସନ୍ଦେହ ସୃଷ୍ଟି ହୋଇଛି ତାଙ୍କ କାର୍ଯ୍ୟ କଳାପ ଉପରେ I ମାତ୍ର ହାତ ଗଣତି କିଛି ଘଟଣା ରେ କିଛି ଜଣ ଙ୍କୁ ଗିରଫ କରି ବାହାବାହା ନେଉଛି ମୁରିବାହାଲ ପୋଲିସ ହେଲେ ଚୋରି ସମାଗ୍ରୀ ଉଦ୍ଧାର କରିପାରୁନି l ମୋଟର ସାଇକେଲ ଚୋରି, ବ୍ଲକ ରୁ ଚୋରି, ବ୍ୟାଙ୍କ କର୍ମଚାରୀଙ୍କ ଠାରୁ ଟଙ୍କା ଲୁଟ,ଏପରିକି ଯେଉଁ ଯେଉଁ ଘଟଣା ସବୁ ଘଟୁଛି l ସେହି ଘଟଣାରେ ସାମିଲ ଥିବା ସମସ୍ତ ଅଭିଯୁକ୍ତ କୁ ଗିରଫ କରିବା ପାଇଁ ଦାବି କରିଛନ୍ତି ସ୍ଥାନୀୟ ଓକିଲ ଓ ବୁଦ୍ଧିଜୀବୀ l ସେପଟେ କିନ୍ତୁ ମୁହଁ ଖୋଲୁନି ମୁରିବାହାଲ ପୋଲିସକି କଣ୍ଟାବାଞ୍ଜି ଏଡ଼ସିପିଓ ହୃଷିକେଶ ମେହେର l
