କଟକ : ମାସିକ ବ୍ୟଙ୍ଗ ଓ ସମାଲୋଚନା ମୂଳକ ପତ୍ରିକା ଗୋଳମାଳର ବାର୍ଷିକ ଉତ୍ସବ ପାଳନ ଅବସରରେ ଅଭିନେତା ତଥା ୪୨ ମୌଜ଼ା ବିକାଶ ପରିଷଦର ସମ୍ପାଦକ ସନ୍ତୋଷ କୁମାର ପତିଙ୍କୁ ଆଦର୍ଶ ଯୁବ ସମାଜସେବୀ ସମ୍ମାନରେ ସମ୍ବର୍ଦ୍ଧିତ କରାଯାଇଛି । କଟକ ବାଣୀପୀଠ ଶ୍ରୀରାମଚନ୍ଦ୍ର ଭବନରେ ମାସିକ ବ୍ୟଙ୍ଗ ଓ ସମାଲୋଚନା ପତ୍ରିକାର ବାର୍ଷିକ ଉତ୍ସବରେ ପତ୍ରିକାର ସମ୍ପାଦକ ମାଧବ ଚନ୍ଦ୍ର ସ୍ୱାଇଁ ସଭାପତିତ୍ଵରେ ଅନୁଷ୍ଠିତ ଏହି ଉତ୍ସବରେ ଶ୍ରମିକ ନେତା ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡେଇ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ସଂମ୍ମାନୀତ ଅତିଥି ଭାବେ ପୂର୍ବତନ ବିଧାୟକ ବାଙ୍କି ପ୍ରଭାତ ତ୍ରିପାଠୀ ଓ ପୂର୍ବତନ ପ୍ରଶାସନିକ ଅଧିକାରୀ ହିମାନ୍ଦ୍ରୀ ନାରାୟଣ ଦାଶ,ବିଶିଷ୍ଟ ସ୍ତମ୍ଭକାର ପ୍ରହଲ୍ଲାଦ ସିଂହ,ବିଶିଷ୍ଟ ବ୍ୟଙ୍ଗ କବି ଜ୍ଞାନହୋତା ପ୍ରମୁଖ ଯୋଗଦାନ କରିଥିଲେ । ସୂଚନାଯୋଗ୍ୟ ୪୨ ମୌଜା ଦେଉଳି ଗ୍ରାମରେ ଜନ୍ମ ଗ୍ରହଣ କରିଥିବା ସାରସ୍ଵତ ସାଧକ,ସାମ୍ବାଦିକ, ସୁବକ୍ତା,ଶ୍ରମିକ ନେତା,ଚଳଚ୍ଚିତ୍ର ଅଭିନେତା,ସମାଜ ସଂସ୍କାରକ,କ୍ରୀଡାବିତ୍,ସମାଜସେବୀ ସନ୍ତୋଷ କୁମାର ପତି ଉଲ୍ଲେଖନୀୟ କୃତିତ୍ୱ ନେଇ ରାଜ୍ୟ ଏବଂ ରାଜ୍ୟ ବାହାରେ ସମ୍ବର୍ଦ୍ଧିତ ହୋଇଛନ୍ତି ।
