ଧାମନଗର – ଧାମନଗର ବ୍ଲକର ପ୍ରଥମ ପର୍ଯ୍ୟାୟ ସମବାୟ ସମିତି ନିର୍ବାଚନ ଶାନ୍ତି ଶୁଙ୍ଖଳା ସହ ରବିବାର ଶେଷ ହୋଇ ଥିବା ବେଳେ ସକାଳ ୭ରୁ ଅପରାହ୍ନ ୪ଯାଏଁ ଭୋଟ ଗ୍ରହଣ କରାଯାଇଛି। ବ୍ଲକର ପ୍ରଥମ ପର୍ଯ୍ୟାୟରେ ହେବାକୁ ଥିବା ୭ଟି ସମବାୟ ନିର୍ବାଚନ ମଧ୍ୟରୁ ଭଗବାନପୁର,ଚୁଡାକୁଟି, ଦଳାଙ୍ଗ,ବମକୁରା,ଧୁଷୁରୀ ୫ଟି ସମବାୟ ସମିତିରେ ନିର୍ବାଚନ ଗଣତାନ୍ତ୍ରିକ ପଦ୍ଧତିରେ ହୋଇ ଥିବା ବେଳେ ଦୁଇଟି ସମବାୟ ସମିତିର ପାର୍ଥି ମାନେ ନିର୍ଦୋନ୍ଦରେ ନିର୍ବାଚିତ ହୋଇ ଥିବା ଜଣାପଡ଼ିଛି। ଏହି ସମସ୍ତ ଭୋଟ କେନ୍ଦ୍ରରେ ପୁଲିଂ କର୍ମଚାରୀ ନିୟୋଜିତ ହୋଇଥିବା ବେଳେ, ନିର୍ବାଚନ ସୁପରିଚାଳନା ପାଇଁ ସୋସାଇଟି ସେକ୍ରେଟାରୀ ଓ ସୁପରଭାଇଜର ମାନଙ୍କୁ ଦାୟିତ୍ୱ ଦିଆଯାଇଥିବାର ଦେଖିବାକୁ ମିଳିଛି। ନିରପେକ୍ଷ ଓ ଶାନ୍ତି ଶୁଙ୍ଖଳାରେ ଭୋଟ ଗ୍ରହଣ ପାଇଁ ଧାମନଗର ଓ ଧୁଷୁରୀ ପୋଲିସ ପକ୍ଷରୁ ପ୍ରତି ମତଦାନ କେନ୍ଦ୍ରରେ ବ୍ୟାପକ ପୋଲିସ ମୁତୟନ ସହିତ ଅଫିସର ମାନଙ୍କୁ ପେଟ୍ରୋଲିଙ୍ଗରେ ନିୟୋଜିତ କରାଯାଇଥିଲା। ଖବର ଲଖିଲାବେଳେ କୌଣସି ସମବାୟ ସମିତିର ଫଳାଫଳ ସରକାରୀ ଭାବେ ଘୋଷଣା ହୋଇନଥିଲା।
