କଟକ : କଟକ ସଦର ୪୨ ମୌଜା ଦେଉଳି ଗ୍ରାମର ଆଦର୍ଶ ଦଂପତି ସମାଜସେବୀ ସନ୍ତୋଷ କୁମାର ପତି ଓ କବୟିତ୍ରୀ ରଶ୍ମିତା ଦୀକ୍ଷିତଙ୍କ ଘର ଅଗଣାରେ ବହୁ ଦୁର୍ଲଭ ବ୍ରହ୍ମ କମଳ ଫୁଲ ଫୁଟିଥିଲା । ପରେ ସେହି ପୁଷ୍ପକୁ ପୂଜାର୍ଚ୍ଚନା କରିବା ସହ ତାକୁ ତୋଳି ପୁତ୍ର କୁମାର ସାନୁ ପତି ଓ ପିତା ଧର୍ମପ୍ରାଣ ରବୀନ୍ଦ୍ର ନାଥ ପତି ନେଇ ବିରିଡ଼ି ଧ୍ୟାନକୁଦ ଜଗନ୍ନାଥ ମନ୍ଦିରରେ ମହାପ୍ରଭୁ ବଳଭଦ୍ରଙ୍କୁ ଯଥା ବିଧି ପୂର୍ବକ ଅର୍ପଣ କରାଯାଇଥିଲା । ତେବେ ଏ ନେଇ ଶ୍ରୀ ପତିଙ୍କ ମାତା ମନୋରମା ପତି,ସାନ ମାତା ଅନୁପମା ପତି,କନ୍ୟା ତୃପ୍ତିମୟୀ ପତି ଅନ୍ୟାନ୍ୟ ସମସ୍ତ ସଦସ୍ୟ ଓ ସ୍ଥାନୀୟ ବାସିନ୍ଦା ଏହି ଦୁର୍ଲଭ ଦେବଯୋଗ୍ୟ ପୁଷ୍ପ ପ୍ରକଟିତ ହୋଇଥିବାରୁ ଖୁବ୍ ଖୁସି ଓ ଭକ୍ତିଭାବ ପ୍ରକାଶ କରିଛନ୍ତି ।
