(ଲହୁଣୀପଡ଼।)- ବଣାଇଁ ଉପଖଣ୍ଡର ଟିକାଏତପାଲି ଥାନା ଅନ୍ତର୍ଗତ କୁଲକୁତା ଗାଁ ମୁଣ୍ଡରେ ବାଇକ ଧକ୍କାରେ ସାଇକେଲ ଆରୋହୀଙ୍କର ମୃତ୍ୟୁ ଘଟିଥିବା ଜଣାପଡିଛି। ଅପରାହ୍ନ ୨ଟା ସମୟରେ ବାଇକ ଓ ସାଇକେଲ ସରସରା ପଟୁ ପିଠାଚୋର ଗ୍ରାମ ଆଡକୁ ଆସୁଥିବା ବେଳେ କୁଲକୁତା ଗ୍ରାମର ଗାଁ ମୁଣ୍ଡରେ ସାଇକେଲ କୁ ବାଇକ ଧକ୍କା ଦେବା ଫଳରେ ସାଇକେଲ ଆରୋହୀ ନିରାକର ନାଏକ(୫୫) ରାସ୍ତା ତଳକୁ ଛିଟିକି ପଡି ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଓଡି ୧୪ ଆର ୭୭୦୧ ନମ୍ବର ବାଇକରେ ବସିଥିବା ତିନି ଜଣଙ୍କ ମଧ୍ୟରୁ ଦୁଇଜଣ ବାଇକରୁ ଛିଟିକି ପଡି ଗୁରୁତର ହୋଇଥିବା ଜଣାପଡ଼ିଛି ।ସ୍ଥାନୀୟ ଲୋକେ ଉଦ୍ଧାର କରି ସରସରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିବା ଜଣାପଡିଛି ।ପରେ ସେଠାକାର ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ଖବର ପାଇ ଟିକାଏତପାଲି ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ବ୍ଯବଚ୍ଛେଦ ନିମନ୍ତେ ପଠାଇବା ସହ ବାଇକ ଓ ସାଇକେଲ ଜବତ କରି ଘଟଣାର ତଦନ୍ତ ଚଲାଇଥିବା ଜଣାପଡ଼ିଛି। ସାଇକେଲ ଆରୋହୀ ଜଣକଂ ଘର କୁଚିଣ୍ଡା ଗ୍ରାମର କୁସୁମି ଥାନା ଅନ୍ତର୍ଗତ ବୋଲି ଜଣାପଡିଥିବା ବେଳେ ସେ ଟିକାଏତପାଲି ଥାନା ଅନ୍ତର୍ଗତ ଗୁଜାପାଳ ଗ୍ରାମରେ ରହୁଥିବା ତାଙ୍କ ସଢୁ ଘରକୁ କୁଣିଆ ଆସି ଫେରୁଥିବା ବେଳେ ଏହି ଘଟଣା ଘଟିଥିବା ଜଣାପଡିଛି।
