ସିନାପାଲି:- ସିନାପାଲି ଗାୟତ୍ରୀ ଶକ୍ତିପୀଠ ଠାରେ ବୁଧବାର ଗୁରୁପୂର୍ଣ୍ଣିମା ଉତ୍ସବ ପାଳନ ହୋଇଯାଇଛି l ଏହି ଅବସରରେ ଆଜି ସକାଳୁ ବିଧି ଅନୁଯାୟୀ ପୂଜାପାଠ କରାଯିବା ସହ ମନ୍ଦିର ପରିସରରେ ଏକ କୁଣ୍ତୀୟ ଗାୟତ୍ରୀ ଯଜ୍ଞର ଅୟୋଜନ କରାଯାଇଥିଲା l ଏଥିସହ ଗାୟତ୍ରୀ ପରିଜନଙ୍କ ଦ୍ୱାରା ସକାଳ ୬ଟାରୁ ସଂଧ୍ଯା ୬ଟା ଯାଏଁ ଅଖଣ୍ତ ଜପ କରାଯାଇଥିଲା l ସେହିଭଳି ଗତ ମଙ୍ଗଳବାର ଦିନ ଆଗାମୀ ୨୫୧କୁଣ୍ତୀୟ ଗାୟତ୍ରୀ ମହାଯଜ୍ଞ ନିମନ୍ତେ ମହିଳା ଶ୍ରଦ୍ଧାଳୁଙ୍କୁ ନେଇ ଏକ ସ୍ୱତଂତ୍ର ବୈଠକ କରାଯାଇଥିବା ବେଳେ ଏଥିରେ ଅଂଚଳର ଶତାଧିକ ମହିଳା ଊପସ୍ଥିତ ଥିଲେ l ଉକ୍ତ ମହାଯଜ୍ଞ ପାଇଁ ଆସନ୍ତା ସୋମବାର ଓଡ଼ିଶା ଓ ଛତିଶଗଡ଼ ରାଜ୍ଯର ଗାୟତ୍ରୀ ପରିଜନକୁ ନେଇ ଏକ ଗୁରୁତ୍ୱପୂର୍ଣ୍ଣ ବୈଠକ ହେବାକୁ ଥିବା ବେଳେ ଏହି ବୈଠକରେ ଶାନ୍ତିକୁଞ୍ଜ ହରିଦ୍ୱାରରୁ ଉଭୟ ପ୍ରଦେଶର ପ୍ରଭାରୀ ଯୋଗଦାନ କରି ପ୍ରଶିକ୍ଷଣ ଦେବେ ବୋଲି ସିନାପାଲି ଗାୟତ୍ରୀ ଶକ୍ତିପୀଠ ତରଫରୁ ସୂଚନା ଦିଆଯାଇଛି l
