ବୁଗୁଡା – ବୁଗୁଡ଼ା ଥାନା ବାଲିପଦର ଫାଣ୍ତି ଅଧିନସ୍ଥ କଳମ୍ବ ଗାଁରେ ବିଦ୍ଯୁତ୍ ସଂଷ୍ପର୍ଶରେ ଆସି ଜନୈକ ବୃଦ୍ଧଙ୍କ ମୁତ୍ଯୁ ଘଟିଥିବା ଜଣାଯାଇଛି । ମୃତକ ଜଣକ ହେଲେ ସୁରେନ୍ଦ୍ର ନାୟକ(୬୫) । ଏନେଇ ବାଲିପଦର ଫାଣ୍ଡିରେ ମୃତକ ସୁରେନ୍ଦ୍ରଙ୍କ ଜ୍ବାଇଁ ରଞ୍ଜିତ ନାୟକଙ୍କ ଅଭିଯୋଗ କ୍ରମେ କେସ୍ ନଂ ୩୯୭/୨୨ରେ ଏକ ମାମଲା ରୁଜୁ ହୋଇଥିବା ଫାଣ୍ଡି ଅଧିକାରୀ ସମୀର କୁମାର ବେହରାଙ୍କ ଠାରୁ ପ୍ରକାଶ ପାଇଛି । ଘଟଣାରୁ ପ୍ରକାଶ ଯେ , କଳମ୍ବ ଗ୍ରାମ ନିକଟସ୍ଥ ଏକ ମୁଣ୍ଡିଆରେ ଛେଳି ଚରାଇ ଅପରାହ୍ନରେ ସୁରେନ୍ଦ୍ର ଫେରୁଥିବା ବେଳେ ଏକ କୁକୁଡା ଫାର୍ମ ନିକଟରେ ତଳେ ପଡିଥିବା ଛିଣ୍ଡା ବିଦ୍ଯୁତ୍ ତାର ସଂଷ୍ପର୍ଶରେ ଆସି ମୃତ୍ୟୁ ବରଣ କରିଥିଲେ । ଏହା ସ୍ଥାନୀୟ ଲୋକଙ୍କ ନଜରକୁ ଆସିବା ପରେ ବାଲିପଦର ଫାଣ୍ଡିକୁ ଖବର ଦିଆଯାଇଥିଲା ।
ଘଟଣାସ୍ଥଳରେ ପୋଲିସ୍ ପହଞ୍ଚି ଶବକୁ ଜବତ କରି ବ୍ୟବଛେଦ ପାଇଁ ପଠାଇବା ସହ ମୁତ୍ଯୁ ଘଟଣାର ତଦନ୍ତ କରୁଥିବା ଜଣାଯାଇଛି ।
