ଧାମନଗର- ଧାମନଗର ସେବା ସମବାୟ ସମିତି ନିର୍ବାଚନ ରେ ବିଜେପି ବାଜିମାତ କରିଛି । ବିଜେପି ସମର୍ଥିତ ପ୍ରାର୍ଥୀ ମାନେ ସମସ୍ତ ୧୫ ଟି ଆସନରେ ବିଜୟୀ ହୋଇଛନ୍ତି। ସମୁଦାୟ ୧୫ ଟି ଜୋନ ମଧ୍ୟରୁ ୫ ନମ୍ବର ଜୋନ ରେ ବଳରାମ ମହାପାତ୍ର ଓ ୯ ନମ୍ବର ଜୋନ ରେ ରଶ୍ମିରଂଜନ ସାମଲ ବିନାପ୍ରତିଦ୍ବନ୍ଦିତାରେ ନିର୍ବାଚିତ ହୋଇଥିବାବେଳେ ଅନ୍ୟ ୧୩ ଟି ଜୋନରେ ୨୬ ଜଣ ପ୍ରାର୍ଥୀ ନିର୍ବାଚନ ମୈଦାନରେ ଥିଲେ । ଵିଜେଡି ଓ ବିଜେପି ସମର୍ଥିତ ପ୍ରାର୍ଥୀ ମାନଙ୍କ ମଧ୍ୟରେ ସିଧା ସଳଖ ଲଢ଼େଇ ହୋଇଥିଲା । ଧାମନଗର ଏନଏସି ଅନ୍ତର୍ଗତ ତାଳପଦା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ କଢ଼ା ପୋଲିସ ସୁରକ୍ଷା ମଧ୍ୟରେ ରବିବାର ସକାଳ ୭ ଟା ରୁ ଅପରାହ୍ନ ୪ ଟା ପର୍ଯ୍ୟନ୍ତ ଭୋଟ ଗ୍ରହଣ କରଯାଇଥିଲା । ହରିହର ଖଟୁଆ , କାଳନ୍ଦି ମହାନ୍ତି , ନିରଞ୍ଜନ ଦାସ , ରବିନାରାୟଣ ତ୍ରିପାଠୀ , ବୈରାଗୀ ରାଉତ , ଦେବଦତ୍ତ ମହାପାତ୍ର , ରମେଶ ଚନ୍ଦ୍ର ବେହେରା , ଦେବାଶିଷ ମହାନ୍ତି , ଛବିନ୍ଦ୍ର ସାହୁ , ଦେବେନ୍ଦ୍ର ସେଠୀ , ରଂଜିତା ଯାଦବ , ଅନାଦି ସ୍ବାଇଁ , ଉର୍ମିଳା ପରିଡା ପ୍ରମୁଖ ବିଜେପି ସମର୍ଥିତ ପ୍ରାର୍ଥୀ ମାନେ ବିଜୟୀ ହୋଇଥିବା ଜଣାଯାଇଛି।
