ବୁଗୁଡ଼ା- ବୁଗୁଡ଼ା ବ୍ଲକ ଅବସରପ୍ରାପ୍ତ ଶିକ୍ଷକ ଟ୍ରଷ୍ଟର ଏକ କାର୍ଯ୍ୟକାରୀ ବୈଠକ ବିଶ୍ଵମୋହନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି l ଏଥିରେ ସଂଘର ବିଭିନ୍ନ କାର୍ଯ୍ୟକ୍ରମ ବିଷୟରେ ଆଲୋଚନା ହେବା ସହ ପୂର୍ଵ ବୈଠକର ବିବରଣୀ ପାଠ, ଆୟ ବ୍ୟୟ ସମୀକ୍ଷା କରାଯାଇ ପୂର୍ବ ନିଷ୍ପତି ପ୍ରକାରେ ନିକଟସ୍ଥ ବରଡ଼ିପଲ୍ଲୀ ପ୍ରାଥମିକ ବିଦ୍ୟାଳୟକୁ ପୋଷ୍ୟ ସ୍କୁଲ ଭାବେ ହାତକୁ ନିଆଯାଇ ଉଭୟ ଶୈକ୍ଷିକ ଓ ସହ ଶୈକ୍ଷିକ ସହଯୋଗ କରିବା ପାଇଁ ଆଲୋଚନା ହୋଇଥିଲା l ଏଥି ନିମନ୍ତେ କାର୍ଯ୍ୟକାରୀ ସଭାପତି ହରେକୃଷ୍ଣ ପାତ୍ର, ସମ୍ପାଦକ ପ୍ରକାଶ ଚନ୍ଦ୍ର ରଥ, ରାମକୃଷ୍ଣ ସାହୁ, ଗୌରୀପତି ଦାଶ ଓ ଶ୍ୟାମ ସୁନ୍ଦର ନାୟକଙ୍କୁ ନେଇ ଏକ କମିଟି ଗଠନ କରାଯାଇ ଥିଲା l
