ବରୀ- ବିଦଗ୍ଦ କବି ଅଭିମନ୍ୟୁ ସାମନ୍ତ ସିଂହାରଙ୍କ ସ୍ମୃତିର ମହା ଆଲେଖ୍ୟ ବହନ କରୁଥିବା ସାମନ୍ତ ସିଂହାର ସରକାରୀ ଉଚ୍ଚ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ଅନିରୁଦ୍ଦ ସାମଲଙ୍କର ଗତ ଜୁଲାଇ ମାସ ୨୪ ତାରିଖ ଦିନ ମସ୍ତିସ୍କାଘାତରେ ପରଲୋକ ଗତି ହୋଇଛି । ଆଜି ତାଙ୍କର ଏକାଦଶାହ ଅବସରରେ ତାଙ୍କର କର୍ମଭୂମୀ ସାମନ୍ତ ସିଂହାର ସରକାରୀ ଉଚ୍ଚ ବିଦ୍ୟାଳୟ, ଅଭିମନ୍ୟୁ ବାଲିଆ ଠାରେ ରେ ଏକ ଶ୍ରଦ୍ଧାଞ୍ଜଳି ସଭାର ଆୟୋଜନ କରାଯାଇଥିଲା । ଅନୁଷ୍ଠାନର ପୂର୍ବତନ ଛାତ୍ର ତଥା ଶିକ୍ଷକ ନେତା ଗୋପବନ୍ଧୁ ଦାସଙ୍କ ସଭାପତିତ୍ୱରେ ଆୟୋଜିତ ସଭାରେ ଶିକ୍ଷକ ନେତା ତଥା ସମାଜସେବୀ କର୍ଣ୍ଣ ଚନ୍ଦ୍ର ଘଡାଇ, ବଳରାମ ପଣ୍ଡା, କପିଳ ଚରଣ ସାମଲ,ମକର ଚରଣ ଘଡାଇ, ଦାଶରଥି ଜେନା, ଅକ୍ଷୟ କୁମାର ଘଡାଇ, ବଟକୃଷ୍ଣ ସେଠୀ, ଗଗନ ବିହାରୀ ଜେନା,ଗୁନଚରଣ ନାୟକ,ଅନନ୍ତ ମଲ୍ଲିକ, ଶ୍ୟାମ ସୁନ୍ଦର ଭୋଇ,ସୁଦର୍ଶନ ଦାସ, ଶରତ କୁମାର ଜେନା ପ୍ରମୁଖ ଶ୍ରଦ୍ଧାଳୁ ମାନେ ଯୋଗଦାନ କରି ସ୍ୱର୍ଗତ ସାମଲଙ୍କ ଗୁଣ ବର୍ଣ୍ଣନା କରିବା ସହ ତାଙ୍କର ଫଟୋଚିତ୍ରରେ ପୁଷ୍ପାଞ୍ଜଳି ଅର୍ପଣ କରିଥିଲେ । ସଭା ଆରମ୍ଭରେ ୨ ମିନଟ୍ ନିରବ ପ୍ରାର୍ଥନା କରାଯାଇଥିଲା । ସାମନ୍ତ ସିଂହାର ଉଚ୍ଚ ବିଦୟାଳୟ ତରଫରୁ ସଭିଙ୍କୁ ଶ୍ରୀ ଜଗନ୍ନାଥଙ୍କ ମହାପ୍ରସାଦ ବଣ୍ଟନ କରାଯାଇଥିଲା ।
