ନନ୍ଦିନୀ ବଲାଙ୍ଗୀର ଜିଲ୍ଲା ଟିଟିଲାଗଡ ବ୍ଲକ୍ ଅନ୍ତର୍ଗତ କୁରସୁଡଠାରେ ଥିବା ଓଡ଼ିଶା ଆଦର୍ଶ ବିଦ୍ୟାଳୟ ପରିସରରେ ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନ ନିର୍ଦ୍ଦେଶକ୍ରମେ ବନମହୋତ୍ସବ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି।ଏହି କାର୍ଯ୍ୟକ୍ରମରେ ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ଶ୍ରୀ ଜୟନ୍ତ କୁମାର ସାହୁ,ସମାଜସେବୀ ତଥା ପରିବେଶ ପ୍ରେମୀ ସାଇପ୍ରସାଦ ସାହୁ,ଅନ୍ୟାନ୍ୟ ଶିକ୍ଷକ ଏବଂ ଛାତ୍ରଛାତ୍ରୀ ଯୋଗଦାନ କରିଥିଲେ। ବିଦ୍ୟାଳୟ ପରିସରରେ ଆମ୍ବ,ପଣସ,କାଜୁ,ଅଁଳା ଭଳି ବିଭିନ୍ନ ପ୍ରଜାତିର ଫଳ ଉତ୍ପାଦନକାରୀ ବୃକ୍ଷ ଏବଂ ଔଷଧୀୟ ଗଛ ଲଗାଯାଇଥିଲା। ବନମହୋତ୍ସବ କାର୍ଯ୍ୟକ୍ରମରେ ୫୦ ରୁ ଉର୍ଦ୍ଧ୍ବ ଚାରାରୋପଣ କରାଯାଇଥିଲା। ପରେ ଦିନ ୧୧ ଘଣ୍ଟା ସମୟରେ ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନର ଉପଦେଷ୍ଟା ଓ ରାଜ୍ୟ ପ୍ରକଳ୍ପ ନିର୍ଦ୍ଦେଶକ ଭିଡିଓ କନଫରେନ୍ସ ଦ୍ଵାରା ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ଚାରାରୋପଣ ସମୟରେ ବିଦ୍ୟାଳୟର ଅନେକ ଛାତ୍ରଛାତ୍ରୀ ଉପସ୍ଥିତ ରହି ଚାରା ଲଗେଇବାରେ ସହଯୋଗ କରିଥିଲେ ।
