ବ୍ରହ୍ମପୁର- ଗଂଜାମ ଜିଲ୍ଲା ନରେନ୍ଦ୍ରପୁର ସରସ୍ଵତୀ ଶିଶୁ ବିଦ୍ୟାମନ୍ଦିର ଠାରେ ମଂଗଳବାର ବିଦ୍ୟାଳୟ ସ୍ତରୀୟ ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ବିଜ୍ଞାନ ଶିକ୍ଷୟିତ୍ରୀ ଶୈରନ୍ଦ୍ରୀ ବିଷୋୟୀଙ୍କ ତତ୍ବାବଧାନରେ ଆୟୋଜିତ ମେଳାରେ ଅବସରପ୍ରାପ୍ତ ବିଜ୍ଞାନ ଶିକ୍ଷକ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଗୁରୁମା ମମତା ପଣ୍ଡା ଏହାକୁ ପରିଚାଳନା କରିଥିଲେ। ଚତୁର୍ଥ ଶ୍ରେଣୀ ଠାରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମୋଟ ୫୬ ଜଣ ଛାତ୍ର ଛାତ୍ରୀ ଏଥିରେ ଭାଗନେଇ ବିଜ୍ଞାନ ସମ୍ବନ୍ଧୀୟ ବିଭିନ୍ନ ପ୍ରକଳ୍ପ ପ୍ରଦର୍ଶନ କରିଥିଲେ। ଏହା ବ୍ୟତୀତ ଗଣିତ ପ୍ରଶ୍ନ ମଞ୍ଚ, ବିଜ୍ଞାନ ପ୍ରଶ୍ନ ମଞ୍ଚ, ସଂସ୍କୃତି ଜ୍ଞାନ ପ୍ରଶ୍ନ ମଞ୍ଚ, ପତ୍ରବାଚନ, ଗଳ୍ପ କଥନ ଇତ୍ୟାଦି ପ୍ରତିଯୋଗୀତା ଅନୁଷ୍ଠିତ ହୋଇଥିଲା। ପରିଚାଳନା କମିଟିର ସଭାପତି, ଉପଦେଷ୍ଟା ବିଜ୍ଞାନର ଉପଦେୟତା ବିଷୟରେ ମାର୍ଗ ଦର୍ଶନା କରିଥିବା ବେଳେ ବିଚାରକ ଭାବରେ ବିଭିନ୍ନ ବିଦ୍ୟାଳୟର ବରିଷ୍ଠ ଶିକ୍ଷକ ମାନେ ଉପସ୍ଥିତ ରହି ପ୍ରକଳ୍ପ ଗୁଡିକର ମୂଲ୍ଯାଙ୍କନ କରିଥିଲେ। ଏଥିରେ କୃତି ଛାତ୍ରଛାତ୍ରୀମାନେ ସଙ୍କୁଳ ସ୍ତରୀୟ ଜ୍ଞାନ ବିଜ୍ଞାନ ମେଳକୁ ମନୋନୀତ ହୋଇଥିବା ସୂଚନା ମିଳିଛି।
