ବରଗଡ଼- ଚଳିତ ବର୍ଷ ତିଥି ଅନୁଯାୟୀ ରକ୍ଷା ବନ୍ଧନ ଉତ୍ସବ ଦୁଇଦିନ ପଡୁଥିବା ବେଳେ ଆଜି ଅନେକ ସ୍ଥାନରେ ପାଳିତ ହେଉଛି। ଏହି ପବିତ୍ର ପର୍ବ ପାଳନ ପାଇଁ ବରଗଡ଼ ପ୍ରଜାପିତା ବ୍ରହ୍ମକୁମାରୀ ଈଶ୍ବରୀୟ ବିଶ୍ବ ବିଦ୍ୟାଳୟ ପକ୍ଷରୁ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଥିଲା। ବ୍ରହ୍ମକୁମାରୀ ଯୋସ୍ନା ଭଉଣୀ, ବ୍ରହ୍ମକୁମାରୀ ସଞ୍ଜୁ ଭଉଣୀ, ବ୍ରହ୍ମକୁମାରୀ ଯଶୋଦା ଭଉଣୀ ତଥା ମମତା ଭଉଣୀ ପ୍ରମୁଖ ଉପସ୍ଥିତ ରହି ସମସ୍ତ ଭାଇ ଭଉଣୀ ଙ୍କୁ ରାକ୍ଷୀ ବାନ୍ଧିବା ପରେ ଗୋଟିଏ ବୃକ୍ଷ କୁ ରାକ୍ଷୀ ବାନ୍ଧିଥିଲେ। ବୃକ୍ଷ କୁ ରାକ୍ଷୀ ବାନ୍ଧିବାର ଉଦ୍ଦେଶ୍ୟ ପଚରାଯିବାରୁ ବୃକ୍ଷ ଆମକୁ ରକ୍ଷା କରେ ଆମେ ବୃକ୍ଷ କୁ ରକ୍ଷା କରିବା ଆବଶ୍ୟକତା ଥିବାରୁ ସକରାତ୍ମକ ବାର୍ତ୍ତା ଦେବା ଉଦ୍ଦେଶ୍ୟରେ ଏହା କରାଯାଇଥିବା ବ୍ରହ୍ମକୁମାରୀ ଭଉଣୀ ମାନେ କହିଥିଲେ। ଏହି କାର୍ଯ୍ୟକ୍ରମ ଅବସରରେ ଶହଶହ ସଂଖ୍ୟାରେ ଭାଇ ଭଉଣୀ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ।
