ପଦ୍ମପୁର- ପଦ୍ମପୁର ସଂକୁଳ ଅନ୍ତର୍ଗତ ସର୍ଗିବାହାଲ ସରସ୍ବତୀ ଶିଶୁମନ୍ଦିରରେ ୧୩ ତମ ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି l ଶିକ୍ଷାବିତ ମୁରଲୀଧର ସାହୁ, ପ୍ରେମାନଦ ବାରିକ, କୁବେର ହାତୀ, ମହେଶ୍ୱର ସାହୁ ପ୍ରମୁଖ ଅତିଥି ଭାବରେ ଯୋଗ ଦେଇଥିବା ବେଳେ ଆଚାର୍ଯ୍ୟ ହରେରାମ ସାହୁ ସଂଯୋଜନା କରିଥିଲେ l ରୂପକ କୁମାର ବରିହା ଉଦ୍ଧେଶ୍ୟ ଜ୍ଞାପନ କରିଥିବା ବେଳେ ପ୍ରଧାନ ଆଚାର୍ଯ୍ୟ ପ୍ରମୋଦ କୁମାର ସାହୁ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ l ବିଜ୍ଞାନ ଶିକ୍ଷକ ରାଜକୁମାର ସାହୁ ଓ ସୁନୀଲ ସାହୁ ବିଚାରକ ଭାବେ ଯୋଗ ଦେଇଥିବା ବେଳେ ଶିଶୁ ବର୍ଗରେ ୧୩ ଟି ଓ ବାଳ ବର୍ଗରେ ୪୦ ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା l ବିଦ୍ୟାଳୟର ସମସ୍ତ ଗୁରୁଜୀ ଗୁରୁମା କାର୍ଯ୍ୟକ୍ରମରେ ସହଯୋଗ କରିଥିଲେ l ଶେଷରେ ଉମାକାନ୍ତ ସାହୁ ଧନ୍ୟବାଦ ଅର୍ପଣ କରିଥିଲେ l
