ଧାମନଗର -ଧାମନଗର ବ୍ଲକ ଅନ୍ତର୍ଗତ ଚୂଡ଼ାକୁଟି ସରସ୍ଵତୀ ଶିଶୁ ବିଦ୍ୟା ମନ୍ଦିର ରେ ଭଗବାନ ଶ୍ରୀକୃଷ୍ଣ ଙ୍କ ଜନ୍ମୋତ୍ସବ ଜନ୍ମାଷ୍ଟମୀ ମହା ସମାରୋହ ରେ ପାଳନ କରାଯାଇଛି। ଉକ୍ତ ପାଳନ ଉତ୍ସବ ଶିଶୁ ମନ୍ଦିର ର ପ୍ରତିଷ୍ଠାତା ତଥା ସାମ୍ବାଦିକ ବିବେକାନନ୍ଦ ପଣ୍ଡାଙ୍କ ଦ୍ଵାରା ଆୟୋଜିତ ଏହି ଭକ୍ତିପୂତ ଓ ଆନନ୍ଦମୟ ପରିବେଶ ରେ ଧାମନଗର ବ୍ଲକର ବରିଷ୍ଠ ସାମ୍ବାଦିକ ସୁଧାକର ଦାଶ, ସୁଶାନ୍ତ କୁମାର ରାଉତ, ସନ୍ତୋଷ କୁମାର ମହାପାତ୍ର, ଦୀନକୃଷ୍ଣ ମହାପାତ୍ର ଅତିଥି ତଥା ବିଚାରକ ଭାବେ ଯୋଗଦେଇ ପ୍ରଭୁ ଶ୍ରୀକୃଷ୍ଣଙ୍କ ଜନ୍ମଲୀଳା ଓ ଜନ୍ମାଷ୍ଟମୀ ଉତ୍ସବ ସମ୍ପର୍କ ରେ ବକ୍ତବ୍ୟ ପ୍ରଦାନ କରିଥିଲେ। ବିଦ୍ୟାଳୟର ରାଧାକୃଷ୍ଣ ଧାରୀ କୁନିକୁନି ପିଲାମାନଙ୍କର ବେଶ ପ୍ରତିଯୋଗିତା ର କାର୍ଯ୍ୟକ୍ରମ ହୋଇଥିଲା। କୁନି କୁନି ଶିଶୁ ମାନେ ସଙ୍କୀର୍ତ୍ତନ ମଣ୍ଡଳୀ ସହ ବଜାର ପରିକ୍ରମା କରି ରାମ ମନ୍ଦିର ପରିଦର୍ଶନ କରିଥିଲେ। ଉକ୍ତ କାର୍ଯ୍ୟକ୍ରମ କୁ ବିଦ୍ୟାଳୟର ଗୁରୁଜୀ ସଞ୍ଜୟ କୁମାର ସେଠୀ,ସରୋଜକାନ୍ତ ପଣ୍ଡା ଗୁରୁମା ମାମିନା ରାଣୀ ପାଲ୍, ଗୋପିକା ରାଣୀ ଦେ, ପ୍ରମିଳା ବେହେରା, ସ୍ନେହମୟୀ ପଣ୍ଡା,ପ୍ରିତୀଜିନ୍ତା ମହାପାତ୍ର ଓପଲ୍ଲିଶ୍ରୀ ରାଉତ ପରିଚାଳନା କରିଥିଲେ।
