ରାଇରଙ୍ଗପୁର – ରାଇରଙ୍ଗପୁର ଟାଉନଥାନା ଅନ୍ତର୍ଗତ ପୁରୁଣା ପାଣି ପଞ୍ଚାୟତର କଣ୍ଟାବଣି ଗ୍ରାମର ଲାଖାଇ ସୋରେନ(୭୦) ସୋମବାର ସଂଧ୍ୟାରେ ଶୋଇଥିବା ସମୟରେ ଡିବିରି ନିଆଁରେ ପୋଡ଼ି ହୋଇ ଗୁରୁତର ହୋଇଥିଲେ । ତାଙ୍କୁ ରାଇରଙ୍ଗପୁର ହସ୍ପିଟାଲରେ ଭର୍ତ୍ତି କରାଯାଇଥିଲା ।ରାତି ୧୦ ଟା ପାଖାପାଖି ସମୟରେ ତାଙ୍କର ମୃତ୍ୟୁ ହୋଇଥିଲା ।ମୃତକ ଜଣଙ୍କ ଏକ ଅସହାୟ ମହିଳା । ତାଙ୍କର ଆତ୍ମିୟ କେହି ନାହାନ୍ତି । ଏହାକୁ ନେଇ ମଙ୍ଗଳବାର ଦିନ ରାଇରଙ୍ଗପୁର ଟାଉନ ଥାନା ପକ୍ଷରୁ ଏକ ଅପମୃତ୍ୟୁ ମାମଲା ରୁଜୁ କରାଯାଇ ଶବଟିକୁ ବ୍ୟବଚ୍ଛେଦ କରାଯାଇ ସଂପର୍କୀୟଙ୍କୁ ହସ୍ତାନ୍ତର କରାଯାଇଛି ।
