କାକଟପୁର- କାକଟପୁର ଯୁବ ପରିଷଦର ଅଧ୍ୟକ୍ଷ ତଥା ଓଡ଼ିଶା କର୍ମଜୀବି ସାମ୍ବାଦିକ ସଂଘ ପୁରୀ ଜିଲ୍ଲା ଶାଖା ସଭାପତି ଦୈନିକ ସମ୍ବାଦପତ୍ର ଓଡ଼ିଶା ଏକ୍ସପ୍ରେସର ଜଣାଶୁଣା କର୍ମବୀର ଯୁବ ସାମ୍ବାଦିକ ଶରତ ପରିଡ଼ାଙ୍କୁ ବନ୍ଦେ ଉତ୍କଳ ଲୋକକଳା ଓ ଲୋକସଂସ୍କୃତି ମହାସଂଘ ପକ୍ଷରୁ ପୁରୀ ଅନ୍ନପୂର୍ଣ୍ଣା ଥିଏଟର ପରିସରରେ ମୁଖ୍ୟ ଅତିଥି ପୂର୍ବତନ ସାଂସଦ ତଥା ବିଜୁଜନତା ଦଳର ଚାଣ୍ୟକ ଡ଼ଃ ପ୍ରଶନ୍ନ କୁମାର ପାଟ୍ଟଶାଣୀ,ମୁଖ ବକ୍ତା ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ,ସମ୍ମାନିତ ଅତିଥି ପୁରୀ ଜିଲ୍ଲା ପରିଷଦ ଉପାଧ୍ୟକ୍ଷ ସ୍ବାଧୀନ ନାୟକ,ସମ୍ମାନିତ ଅତିଥି ଓଡ଼ିଶା କର୍ମଜୀବି ସାମ୍ବାଦିକ ସଂଘର ରାଜ୍ୟ ସଭାପତି ସ୍ତମ୍ଭକାର ସୁଜ୍ଞାନ ଚୌଧୁରୀ,ସମ୍ମାନିତ ଅତିଥି ଅବସରପ୍ରାପ୍ତ କନିଷ୍ଠ ଯନ୍ତ୍ରୀ ମୁରଳୀଧର ସେଠୀ,ମୁଖ୍ୟ ଉପଦେଷ୍ଟା ପ୍ରାଚୀ ସଂସ୍କୃତି ଗବେଷକ ହଂସନାଥ ସାହୁ,ଲୋକକଳା ଓ ଲୋକସଂସ୍କୃତି ମହାସଂଘର ସଭାପତି ବିଜୟ କୁମାର ମିଶ୍ର ରାଜ୍ୟ ସମ୍ବର୍ଦ୍ଧନା-୨୦୨୨ ମାନପତ୍ର ଫୁଲଗୁଛ ଦେଇ ସମ୍ବର୍ଦ୍ଧିତ କରିଥିଲେ।ଆୟୋଜିତ ସମ୍ବର୍ଦ୍ଧିତ ଉତ୍ସବରେ ଓଡ଼ିଶା ରାଜ୍ୟର ବିଭିନ୍ନ ଜିଲ୍ଲାରୁ ଆସିଥିବା ବିଶିଷ୍ଟ ତଥା ବରିଷ୍ଠ କଳା ଓ ସାମାଜିକ ପୃଷ୍ଟଭୂମି ଉପରେ କାର୍ଯ୍ୟ କରୁଥିବା ପ୍ରତିଭାଦୀପ୍ତ ସାମ୍ବାଦିକ ସମତେ ସମାଜସେବା,ଶିକ୍ଷା, କବି, ଲେଖକ, ସାହିତ୍ୟକ, ଯୋଗ ଓ ଲୋକକଳା କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ୨୦୦ରୁ ଉର୍ଦ୍ଧ୍ବ ପ୍ରତିଭା ମାନଙ୍କୁ ମାନପତ୍ର ଓ ଉପଢୋକନ ଦେଇ ରାଜ୍ୟ ପ୍ରତିଭା ସମ୍ମାନରେ ସମ୍ମାନିତ କରିଥିଲେ।ଅନୁଷ୍ଠାନର ସଭାପତି ବିଜୟ କୁମାର ମିଶ୍ର ସଭାପତିତ୍ୱ କରିଥିବା ବେଳେ ସଂପାଦକ ଆଡ଼ଭୋକେଟ୍ ଅବଦୁଲ ଵାରି ଓ ଲକ୍ଷ୍ମୀପ୍ରିୟା ମହାନ୍ତି ମଞ୍ଚ ପରିଚାଳନା କରିଥିଲେ।ବିଧିବଦ୍ଧ ଭାବେ ସଭାପତି ବିଜୟ କୁମାର ମିଶ୍ର ଓଡ଼ିଶା କର୍ମଜୀବି ସାମ୍ବାଦିକ ସଂଘର ପୁରୀ ଜିଲ୍ଲା ସଭାପତି ଶରତ ପରିଡ଼ାଙ୍କୁ ମହାସଂଘର କାର୍ଯ୍ୟ ନିର୍ବାହୀ ନିର୍ଦ୍ଦେଶକ ଭାବେ ଚୟନ କରାଯାଇଛି ବୋଲି କହିଥିଲେ।
