ମୁରିବାହାଲ- ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଗୋଇମୁଣ୍ଡ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ପକ୍ଷୀରାଜ ମାଝୀ ଅବସରଗ୍ରହଣ କରିଛନ୍ତି ।ବିଦ୍ୟାଳୟ ପରିଚାଳନା କମିଟି ସଭାପତି ଅଶୋକ ନାରାୟଣ ଭୋଇ ଙ୍କ ସଂଯୋଜନାରେ ବୁଧବାର ଦିନ ଅବସରକାଳୀନ ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ୱାର୍ଡ ସଭ୍ୟ ଗୋରେଖ ଭୋଇ,କବି ଭକ୍ତବନ୍ଧୁ ସାହୁ,ପରିଚାଳନା କମିଟି ସଦସ୍ୟ ଅମିତ ରଣା, ସହକାରୀ ଶିକ୍ଷକ ଟିକେରାମ ଭୋଇ,ଶିକ୍ଷୟିତ୍ରୀ ଝରଣା ଦାସ ପ୍ରମୁଖ ଅବସରପ୍ରାପ୍ତ ପ୍ରଧାନଶିକ୍ଷକ ପକ୍ଷୀରାଜ ମାଝୀ ଙ୍କୁ ଉପଢୌକନ, ପୁଷ୍ପମାଲ୍ୟ ପ୍ରଦାନ ପୂର୍ବକ ବିଦାୟକାଳୀନ ସମ୍ବର୍ଦ୍ଧନା ଦେଇଥିଲେ ।ବିଦ୍ୟାଳୟ ରେ ଶିକ୍ଷକତା ସମୟରେ ନିଷ୍ଠାପର ଭାବେ ଶିକ୍ଷାଦାନ କରିବା ସହ ବିଦ୍ୟାଳୟର ସୁପରିଚାଳନାର ଗୁରୁଦାୟିତ୍ୱ,ଉତ୍ତମ ଛାତ୍ର ଗଠନ,ଅଭିଭାବକ ଙ୍କ ସହ ସୁ ସମ୍ପର୍କ ରଖି ବିଦ୍ୟାଳୟ ର ପ୍ରଗତି ପାଇଁ ନିରନ୍ତର ପ୍ରୟାସ ସ୍ମୃତି ହୋଇ ରହିବ ବୋଲି ମଞ୍ଚାସିନ ବ୍ୟକ୍ତି ଗଣ ମତ ପ୍ରକାଶ କରିଥିଲେ ।ବିଦ୍ୟାଳୟ କମିଟିର ଉପସଭାପତି ଯାମିନୀ ଭୋଇ,ଯଶୋଦା ସାହୁ,ବିଦ୍ୟାଳୟ କମିଟିର ପୂର୍ବ ସଭାପତି ଧନମତୀ ଭୋଇ,ସଞ୍ଜୁଳା ସାହୁଙ୍କ ସହ ଅଭିଭାବକ,ଛାତ୍ରଛାତ୍ରୀ ଉପସ୍ଥିତ ଥିଲେ । ଛାତ୍ରଛାତ୍ରୀ ମାନଙ୍କ ଆଖିରେ ଲୁହ ଗୁରୁ ଶିଷ୍ୟ ପରମ୍ପରାର ଭାବାବେଗ ପରିଲକ୍ଷିତ ହୋଇଥିଲା ।
