ବାରିପଦା- ଚଳିତ ସେପ୍ଟେମ୍ବର ମାସ ୧୮ତାରିଖରୁ ୨୩ତାରିଖ ମଧ୍ୟରେ ହେବାକୁ ଥିବା ରାଜ୍ୟ ହକି ଚାମ୍ପିଅନ -୨୦୨୨ ନିମନ୍ତେ ମୟୂରଭଞ୍ଜ ଜିଲ୍ଲାର ଚାନ୍ଦୁଆ ଏସ ଏସ ଡି ଉଚ୍ଚ ବିଦ୍ୟାଳୟର କନିଷ୍ଠ ବର୍ଗର ପିଲାମାନେ ମନୋନୀତ ହୋଇଅଛନ୍ତି। ଜିଲ୍ଳା ହକି ଆସୋସିଏସନ ମୟୂରଭଞ୍ଜ ର ସଭାପତି ତଥା ଜିଲ୍ଲାର ଜିଲ୍ଲାପାଳ ଶ୍ରୀ ବିନୀତ ଭରଦ୍ୱାଜ ଙ୍କ ପ୍ରତ୍ୟେକ୍ଷ ତତ୍ୱାବୋଧାନରେ ଏବଂ ସମ୍ପାଦକ ତଥା ଅତିରିକ୍ତ ଜିଲ୍ଲାପାଳ ଶ୍ରୀ ସୂଚାରୁ ବଳଙ୍କ ପରିଚାଳନାରେ ଉକ୍ତ ହକି ଦଳ ପ୍ରତିଯୋଗିତାରେ ଅଂଶ ଗ୍ରହଣ କରୁଥିବାର ସୂଚନା ମିଳିଅଛି । ଚାନ୍ଦୁଆ ଉଚ୍ଚ ବିଦ୍ୟାଳୟର ପିଲାଙ୍କ ସହିତ ଉକ୍ତ ବିଦ୍ୟାଳୟର କ୍ରୀଡା ଶିକ୍ଷକ ବୀର ସିଂ ମାର୍ଣ୍ଡି ଯିବାର ସ୍ଥିରୀକୃତ ହୋଇଅଛି ।ସୂଚନା ପ୍ରକାଶ ଯୋଗ୍ୟ ଯେ ଜିଲ୍ଲା ପ୍ରଶାସନର ଉତମ ପରିଚାଳନାରେ ଉକ୍ତ ହକି ଦଳ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି ଉତ୍ତମ ଖେଳ ପ୍ରଦର୍ଶନ କରି ଆସୁଛନ୍ତି। ପିଲାଙ୍କର ଯାତାୟତ ତଥା ଅନ୍ୟାନ୍ୟ ସୁବିଧା ସୁଯୋଗର ଉତ୍ତମ ବ୍ୟବସ୍ଥା ଆୟୋଜନ ହୋଇଥିବା ସମ୍ପର୍କରେ ଜିଲ୍ଲା କ୍ରୀଡା ଅଧିକାରୀ ଅବନୀ ମୋହନ ମହାନ୍ତି ସୂଚନା ପ୍ରଦାନ କରିଛନ୍ତି ।
