କେନ୍ଦ୍ରାପଡ଼ା(ନି. ପ୍ର)ମୁଢି ଖାଇଲେ, ଶାଢ଼ୀ ଚୋରି କଲେ.ଟଙ୍କା ଓ ସୁନା ଲୁଟିଲେ. ସିସି ଟିଭି ରେ କଏଦ ହେଲା ଭିଡ଼ିଓ. ଘରେ କେହି ନଥିବା ବେଳେ ଚୋର ମାନେ ଘରେ ପଶିଲେ.. ଘରେ ଥିବା ମୁଢି ଖାଇଲେ ତା ପରେ ଟଙ୍କା ଓ ସୁନା ଲୁଟି ଫେରାର ହେଲେ ଏହି ଚୋର ଗ୍ୟାଙ୍ଗ.ଗଜିପୁର ଓ ଧାନ ମଣ୍ଡଳ ରେ ଉତ୍ପାତ ମଚେଇଲେ ଲୁଟେରା ଗ୍ୟାଙ୍ଗ ଲିଡର ଓ ସହଯୋଗୀ ଚୋର ମାନେ. ସିସି ଟିଭି ରେ କଏଦ ହୋଇଛି ଲୁଟେରା ଙ୍କ ପ୍ରବେଶ ଓ ପ୍ରସ୍ତାନ ର ଭିଡିଓ. ପାଟକୁରା ଥାନା ଅନ୍ତର୍ଗତ ଭଗବାନପୁର ପଞ୍ଚାୟତ ଗଜିପୁର ଗ୍ରାମ ରେ ଗତକାଲି ବିଳମ୍ବିତ ରାତି ରେ ଲୁଟେରା ଧୁମ ମଚାଇଛନ୍ତି. ଗୋଟିଏ ଗ୍ରାମ ର ଦୁଇ ଜଣ ଙ୍କ ଘରେ ପଶି ଟଙ୍କା, ସୁନା ଓ ଶାଢ଼ୀ ଲୁଟିଛନ୍ତି.. ଗଜିପୁର ଗ୍ରାମ ର ଅବସର ପ୍ରାପ୍ତ ଶିକ୍ଷକ ପ୍ରତାପ ଚନ୍ଦ୍ର ଜେନା ଘର ତାଲା ପକାଇ ଭୁବନେଶ୍ୱର ଯାଇଥିବା ବେଳେ ବିଳମ୍ବିତ ରାତି ରେ ପାଞ୍ଚ ରୁ ଛଅ ଜଣ ଯୁବକ ଘର ତାଲା ଭାଙ୍ଗି ଘରେ ପଶି ଆଲମାରୀ ତାଡି ଟଙ୍କା ଓ ସୁନା ନେଇ ଯାଇଥିଲେ. ଘରେ ଥୁଆ ଯାଇଥିବା ଚୁଡାଭଯା, ମିକ୍ସଚର, ମୁଢି ମଧ୍ୟ ଖାଇଦେଇଥିଲେ. ସେହିପରି ସମୀପ ବର୍ତ୍ତୀ ଧାନ ମଣ୍ଡଳ ଗ୍ରାମ ର ଲଷ୍ମୀଧର ସ୍ୱାଇଁ ଙ୍କ ଘରେ ମଧ୍ୟ ଏହି ଚୋର ମାନେ ପଶିଥିଲେ ଓ ଘର ଟ୍ରଙ୍କ ତାଡି ଅନେକ ଦାମୀ ପୋଷାକ ଓ ଶାଢ଼ୀ ଚୋରି କରିଥିଲେ.ଚୋର ମାନେ ଘରେ ପଶୁଥିବା ର ଭିଜୁଆଲ ସିସି ଟିଭି ରେ କଏଦ ହୋଇଥିଲା.ତା ମଧ୍ୟ ରୁ ଗୋଟିଏ ସିସି ଟିଭି କୁ ଲୁଟେରା ମାନେ ବାଡେଇ ଭାଙ୍ଗି ଦେଇଥିଲେ. ତେବେ ଅଞ୍ଚଳ ରେ ପୋଲିସ ପେଟ୍ରୋଲିଙ୍ଗ ଅଭାବରୁ ଏଭଳି ଘଟୁଥିବା ଅଭିଯୋଗ କରିଛନ୍ତି ପରିବାର ର ସଦସ୍ୟ. ଏନେଇ ପ୍ରତାପ ଚନ୍ଦ୍ର ଜେନା ପାଟକୁରା ଥାନା ଆନ୍ତର୍ଗତ କୋରିଆ କୁଦାନଗରୀ ଫାଣ୍ଡି ରେ ଏତଲା କରିଛନ୍ତି.
