ବୁଗୁଡ଼ା : ତା ୨୧/୦୧/୨୩ : ବୁଗୁଡ଼ା ଥାନା ଅନ୍ତର୍ଗତ ଷୋଳମାଇଲି-ତାଳସାକର ରାସ୍ତାର ପାଣି ଫ୍ଯାକ୍ଟ୍ରି ନିକଟରେ ଦୁଇ ବାଇକ ମଧ୍ୟରେ ମୁହାଁ ମୁହିଁ ଧକ୍କା ହେବା ଫଳରେ ୩ ଜଣ ଆହତ ହୋଇଥିବା ବେଳେ ଦୁଇ ଗୁରୁତର ଆହତଙ୍କୁ ବ୍ରହ୍ମପୁର ବଡ଼ ମେଡିକାଲ ସ୍ଥାନାନ୍ତର କରା ଯାଇଛି l ଆହତମାନେ ହେଲେ କୁଞ୍ଜବନ ଗ୍ରାମର ଗୌରହରୀ ସ୍ବାଇଁ ଏବଂ ପଥରାପଲ୍ଲୀ ଗ୍ରାମର ସନ୍ୟାସୀ ବିଷୋୟୀ ଓ ମଣ୍ଟୁ ବିଷୋୟୀ l ଗୌରହରିଙ୍କ ମୁଣ୍ଡରେ ଆଘାତ ଲାଗିଥିବା ବେଳେ ମଣ୍ଟୁଙ୍କ ଡାହାଣ ହାତରେ ଆଘାତ ଲାଗିଛି l ତାମିଲନାଡୁରେ ଏକ ବିସ୍କୁଟ କମ୍ପାନୀରେ ମିସ୍ତ୍ରୀ ଭାବେ କାମ କରୁଥିବା ଗୌରହରି ପ୍ରଚୁର ମଦ୍ୟପାନ କରି ବୁଗୁଡ଼ାରୁ ବାଇକ୍ ଯୋଗେ ଗ୍ରାମକୁ ଫେରୁଥିବା ବେଳେ ମଣ୍ଟୁଙ୍କ ବାଇକକୁ ଧକ୍କା ଦେଇଥିଲା ଫଳରେ ମଣ୍ଟୁଙ୍କ ବାଇକ ପଛରେ ବସିଥିବା ତାଙ୍କର ଦାଦା ସନ୍ୟାସୀ ମଧ୍ୟ ଆହତ ହୋଇଥିଲେ l ଖବର ପାଇ ବୁଗୁଡ଼ା ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଆହତମାନଙ୍କୁ ବୁଗୁଡ଼ା ମେଡିକାଲ ଆଣିଥିବା ବେଳେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି l ଦୁର୍ଘଟଣାରେ ଦୁଇ ବାଇକର ସମ୍ମୁଖ ଭାଗ ମଧ୍ୟ ଭାଙ୍ଗି ରୁଜି ଯାଇଛି l
