ବୁଗୁଡ଼ା : ତା ୦୪/୦୭/୨୩ : ବୁଗୁଡ଼ା ପିପୁଲ୍ସ କଲେଜ ନିକଟରେ ଏକ ଗାଡି ଧକ୍କାରେ ଗୋଟିଏ ମାଈ କୃଷ୍ଣସାର ମୃଗର ଜୀବନ ଚାଲି ଯାଇଛି l ଆଜି ଦିନ ପ୍ରାୟ ସାଢେ ୧୨ଟା ସମୟରେ ବୁଗୁଡ଼ା ପିପୁଲ୍ସ କଲେଜ ଓ ନୁଆଁଗାଁ ଛକ ମଧ୍ୟବର୍ତ୍ତୀ କେନାଲ ନିକଟରେ ଏକ କୃଷ୍ଣସାର ମୃଗ ରାସ୍ତା ପାର ହେଉଥିବା ବେଳେ ଦ୍ରୁତ ଗତିରେ ଯାଉଥିବା ଏକ ହାଇୱା ଗାଡି କୃଷ୍ଣସାର ମୃଗଟିକୁ ଧକ୍କା ଦେଇ ପଳାଇଥିବା ସ୍ଥାନୀୟ ଲୋକେ କହିଛନ୍ତି l ଦୁର୍ଘଟଣା ସ୍ଥଳରେ ହିଁ କୃଷ୍ଣସାର ମୃଗଟିର ମୃତ୍ୟୁ ଘଟିଥିଲା l ଖବର ପାଇ ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପରେ ପୋତି ଦେଇଥିଲେ l ଏ ନେଇ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ବେଳେ ତଦନ୍ତ ପରେ କେଉଁ ଗାଡି ଦୁର୍ଘଟଣା ଘଟଇଲା ତାହା ଜଣା ପଡିବ ବୋଲି ରେଞ୍ଜର ପ୍ରଦୀପ କୁମାର ମିଶ୍ର ସୂଚନା ଦେଇଛନ୍ତି l
