ବରୀ,(ନ ନ୍ୟୁ ସ):ବରୀର ରାଜନୈତିକ ସ୍ଥିତି ଗୋଳାମାଳିଆ ଧରିବାରେ ଲାଗିଛି l ସାଧାରଣ ନିର୍ବାଚନ ଯେତିକି ଯେତିକି ପାଖେଇ ଆସୁଛି ଆଶାୟୀ ପ୍ରାର୍ଥୀ ମାନଙ୍କ ତାଲିକା ସେତିକି ସେତିକି ଲମ୍ବି ଲମ୍ବି ଚାଲିଛି l ଏ କ୍ଷେତ୍ରରେ ଶାସକ ବିଜେଡ଼ି ଦଳ ଆଗରେ ଅଛି ପୂର୍ବ ବିଧାୟକ ବିଧାୟିକା ମାନଙ୍କୁ ଛାଡ଼ି କେତେକ ନୂଆ ଚେହେରା ଦେଖିବାକୁ ମିଳୁଛନ୍ତି l ଏବେ ଜଣେ ନୂଆ ଚେହେରାଙ୍କୁ ଖୁବ ସକ୍ରିୟ ଥିବା ଦେଖିବାକୁ ମିଳିଛି l ସେ ହେଲେ ଅଶୋକ କୁମାର ବେହେରା ଘର ବରୀ ବ୍ଳକ ଅଧୀନ ମେଦୁଆକୁଳ ଗ୍ରାମରେ l ପ୍ରାଥମିକ ଏବଂ ମାଟ୍ରିକ ଶିକ୍ଷା ସ୍ଥାନୀୟ ଅଜାଣ ହାଇସ୍କୁଲରେ ସମାପ୍ତ କରିବା ପରେ ବରୀର ସର୍ବ ପୁରାତନ ମହାବିଦ୍ୟାଳୟ ଗୋପବନ୍ଧୁ ଚୌଧୁରୀ କଲେଜରୁ ବି ଏସ ସି ପଢା ସମାପ୍ତ କରି ସି ଭି ରମଣ କଲେଜ ରୁ ଏମ ବି ଏ କରିଥିଲ l କଳିଙ୍ଗ ହସପିଟାଲ ରେ ବିଜିନେସ ଡେଭେଲପମେଣ୍ଟ ଓ ପି ସି ଏ ବିଭାଗରେ ପରିଚାଳକ ଭାବେ ଦଶ ବର୍ଷ ଧରି କାର୍ଯ୍ୟ କରିଥିଲେ l ପିଲାଦିନରୁ ସମାଜସେବା ପ୍ରତି ଆଗ୍ରହୀ ଥିବା ଅଶୋକ ଏହି ଦଶ ବର୍ଷ ମଧ୍ୟରେ ପ୍ରକୃତ ରୂପ ଦେଇପାରିଥିଲେ ସେ l ନିଜ ଦରମା ଟଙ୍କାରେ ଆର୍ଥିକ ଦୁର୍ବଳ ଶ୍ରେଣୀର ରୋଗୀ ମାନଙ୍କ ଚିକିତ୍ସା କରାଉଥିଲେ ତା ସହିତ କଳିଙ୍ଗ ହସପିଟାଲ ଗରିବ ରୋଗୀ ମାନଙ୍କୁ ଯେଉଁ ସବୁ ସୁବିଧା ସୁଯୋଗ ଦିଆଯାଉଥିଲା ତାହା କିପରି ଠିକ ଭାବରେ ସେମାନେ ପାଇ ପାରିବେ ସେ ବ୍ୟବସ୍ଥା କରୁଥିଲେ l ଏବେ ବରୀ ଅଞ୍ଚଳରେ ସକ୍ରିୟ ସେବା କାର୍ଯ୍ୟ ଜାରି ରଖିଥିବାବେଳେ ଆଗାମୀ ଦିନରେ ବରୀର ଉର୍ନତି ତଥା ସେବା କାର୍ଯ୍ୟକୁ ଆଗକୁ ନେବାପାଇଁ ରାଜନୀତିରେ ପାଦ ଥାପିଛନ୍ତି l ସେ କୁହନ୍ତି ଯେ ବିଜୁ ବାବୁ ଆଦର୍ଶ ଏବଂ ବରୀ ଅଞ୍ଚଳର ଶିକ୍ଷବିତ ଓ ବୁଦ୍ଧିଜୀବୀ ମାନଙ୍କ ପ୍ରେରଣା ମୋତେ ଏ କ୍ଷେତ୍ରରେ ଆଗକୁ ଯିବା ପାଇଁ ପ୍ରେରଣା ଯୋଗାଇଛି l ସେ ଶାସକ ବିଜୁ ଜନତା ଦଳରୁ ବରୀର ପ୍ରତିନିଧିତ୍ୱ କରିବାକୁ ପ୍ରୟାସ ଜାରି ରଖିବେ ବୋଲି ପ୍ରକାଶ କରିଛନ୍ତି l
