ପୁରୀ : ଘର ଟିଏ ଓ ଆର୍ଥିକ ସହାୟତା ପାଇଁ ବାରଦୁଆର ହେଉଥିବାରୁ ନିରୀହ ମଣିଷ ସାହା ଭରସା କରି ବଡ଼ ବଡ଼ିଆ ବାବୁ ଙ୍କ ନିକଟକୁ ଦୁଃଖ ଶୁଣେଇବା ପାଇଁ ଧାଇଁ ଆସି ଗୁହାରିଆ ପଡ଼ିଲେ ବୃଦ୍ଧ । ହେଲେ ବଡ଼ ସରକାରୀ ବାବୁ ବୃଦ୍ଧ ଙ୍କ ଏହି ଭରସାକୁ ଏଡାଇଦେଇ ପଳାଇଗଲେ । ଏଭଳି ଅଭାବନୀୟ ଦୃଶ୍ୟ ପୁରୀ ଜିଲ୍ଲା କଣାସ ବ୍ଲକ ଜିଲ୍ଲାପାଳ ଜନଶୁଣାଣି କାର୍ଯ୍ୟକ୍ରମ ରେ ଦେଖିବାକୁ ମିଳିଥିବା ବେଳେ କଣାସ ଗଡ଼ସାହି ର ନିରୀହ ମଣିଷ କାହ୍ନୁ ଚରଣ ନାୟକ ଦୁଃଖ ଜଣାଇବାକୁ ଯାଇ ପଂଚାୟତ ସମିତି ଜନ ଶୁଣାଣି ରେ ଗୁହାରିଆ ପଡ଼ିଥିଲେ।
! ଖୋଦ ପୁରୀ ଅତିରିକ୍ତ ଜିଲ୍ଲାପାଳ କୈଳାସ ଚନ୍ଦ୍ର ନାୟକ କଣାସ ବ୍ଲକ୍ ରେ ଉପସ୍ଥିତ ରହି ଜନଶୁଣାଣି କାର୍ଯ୍ୟକ୍ରମରେ ମୁଖ୍ୟ କର୍ଣ୍ଣଧାର ହୋଇଥିବା ବେଳେ ଉକ୍ତ ବଡ଼ ବଡ଼ିଆ ସରକାରୀ ବାବୁ ମାନେ ଗୁହାରିଆ ପଡ଼ିଥିବା ବୃଦ୍ଧ ଙ୍କ ଦୁଃଖ ଶୁଣିବା ପରିବର୍ତ୍ତେ ତାଙ୍କୁ ଆଡେଇ ଦେଇ ଚାଲିଗଲେ । ସାଙ୍ଗରେ ଥିଲେ କଣାସ ବିଡ଼ିଓ, କଣାସ ତହସିଲଦାର. । ଶେଷରେ ନିରାଶ ହୋଇ ଘରକୁ ଫେରିଲେ କାହୁଁଚରଣ ! ଏପଟେ ଏହି ବିଷୟରେ ପ୍ରତିକ୍ରିୟା ଦେଇନଥିଲେ ପୁରୀ ଉପଜିଲ୍ଲାପାଳ ! ସୂଚନା ଅନୁସାରେ କଣାସ ଗଡ଼ସାହି ଗ୍ରାମ ର ଏହି ବୃଦ୍ଧା ଜଣକ ଆର୍ଥିକ ଅଭାବ ଅନାଟନ ସହିତ ଦୁଃଖ ଦୁର୍ଦ୍ଦଶା ରେ ଚଳି ଆସୁଛନ୍ତି । ସରକାରୀ ବାସ ଗୃହ ଟିଏ ପାଇଁ ଅନେକ ଥର ବ୍ଲକ ପ୍ରଶାସନ ଠାରୁ ଆରମ୍ଭ କରି ପଂଚାୟତ କାର୍ଯ୍ୟାଳୟ ପର୍ଯ୍ୟନ୍ତ ଦୌଡ଼ି ଦୌଡ଼ି ଶେଷରେ ନିରାସ ହୋଇ ବଡ଼ ଅଫିସରଙ୍କୁ ଦୁଃଖ ଜଣାଇବାକୁ ମନ ରଖିଥିବା ବେଳେ ଗତକାଲି କୌଣସି ମତେ କଣାସ ବ୍ଲକ୍ ରେ ବଡ଼ ବଡ଼ ବାବୁ ମାନେ ଆସୁଛନ୍ତି ବୋଲି ଖବର ପାଇଁ ଧାଇଁ ଆସି ଗୁହାରିଆ ପଡ଼ି ଯାଇଥିଲେ । ଉପଜିଲ୍ଲାପାଳ ଙ୍କ ସହ ସମସ୍ତ ଙ୍କ ସମୁଖ ବୃଦ୍ଧ ଜଣକ ଗୁହାରିଆ ପଡ଼ିଥିବା ବେଳେ କିନ୍ତୁ କେହି ହେଲେ ତାଙ୍କୁ ପଚାରିଲେ ନାହିଁ ମଉସା ଙ୍କ ଦୁଃଖ କଣ ବୋଲି । ଏଠି ଏଭଳି ଦୃଶ୍ୟ ଉପସ୍ଥିତ ସମସ୍ତ ହୃଦୟକୁ ଆନ୍ଦୋଳିତ କରୁଥିବା ବେଳେ ବଡ଼ ବାବୁଙ୍କ ହଜିଯାଇଛି ମାନବିକତା ଓ ହଜିଯାଇଛି ମଣିଷ ପଣିଆ ।
