ଧାମନଗର ତା ୧୬/୭ ଧାମନଗର ବ୍ଲକ ଅନ୍ତର୍ଗତ ବୟାଙ୍ଗଡିହି ପଞ୍ଚାୟତ ଅଧିନସ୍ଥ କମାରବନ୍ଧ ଗ୍ରାମର ଶତାୟୁ ପୁରୁଷ କୃଷ୍ଣଚନ୍ଦ୍ର ସ୍ଵାଇଁ ବୟସ(୧୦୪)ଙ୍କର ଗତକାଲି ରାତି ୨ଟା ୨୫ମିନିଟିରେ ଭଦ୍ରକ କୁଆଁସ ସ୍ଥିତ ଵାସ ଭବନରେ ପରଲୋକ ଘଟିଛି।ସେ ଜଣେ ଈଶ୍ଵର ଭକ୍ତି, ମେଳାପୀ, ସରଳ ଓ ହୃଦୟାବାନ ବ୍ୟକ୍ତି ଥିଲେ।ସେ ଦିର୍ଘ ଦିନ ହେବ ବାର୍ଧକ୍ୟ ଜନିତ ରୋଗରେ ପୀଡିତ ଥିଲେ। ତାଙ୍କର ପରଲୋକ ସମୟରେ ପୁଅ,ବୋହୂ,ନାତି,ନାତୁଣୀ ବୋହୂ ସମସ୍ତେ ପାଖରେ ଉପସ୍ଥିତ ଥିଲେ। ଏହି ଖବର ପାଇବା ପରେ ତାଙ୍କ ନିଜସ୍ୱ ଜନ୍ମ ମାଟି କମାରବନ୍ଧ ଗ୍ରାମ ଓ ଆଖ ପାଖ ଅଞ୍ଚଳରେ ଶୋକର ଛାୟା ଖେଳିଯାଇଥିବା ବେଳେ ଜଣେ ବୟସ୍କ ବ୍ୟକ୍ତିଙ୍କୁ ଆମ ଅଞ୍ଚଳ ହଲାଇଲା ବୋଲି ବୁଦ୍ଧିଜୀବୀ ମହଲରେ ମତପ୍ରକାଶ ପାଇଛି। ତାଙ୍କର ଏକମାତ୍ର ଜ୍ୟେଷ୍ଠ ପୁତ୍ର ପ୍ରଫୁଲ୍ଲ ସ୍ଵାଇଁ ମୁଖାଗ୍ନି ଦେଇଥିଲେ। ଏହି ଖବର ପ୍ରସାରଣ ପରେ ସେହି ଗ୍ରାମର ବିଶିଷ୍ଟ ସ୍ବାଧୀନତା ସଂଗ୍ରାମୀ ବ୍ରଜ କିଶୋର ରାଉତ, ଭଦ୍ରକ ସାଂସଦ, ଧାମନଗର ବିଧାୟକ, ପୂର୍ବତନ ବିଧାୟକ, ଉପାଧ୍ୟକ୍ଷା ଜିଲ୍ଲା ପରିଷଦ ଭଦ୍ରକ,ପଞ୍ଚାୟତ ସମିତି ଅଧ୍ୟକ୍ଷା,ପୂର୍ବତନ ଅଧ୍ୟକ୍ଷ,ଉପାଧ୍ୟକ୍ଷ, ସ୍ଥାନୀୟ ସରପଞ୍ଚ ଓ ସମିତି ସଭ୍ୟା ପ୍ରମୁଖ ସ୍ୱର୍ଗତ ସ୍ୱାଇଁଙ୍କ ଦେହାନ୍ତର ଗଭୀର ଦୁଃଖ ପ୍ରକାଶ କରିବା ସହିତ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଥିବା ସୂଚନା ଦେଇଛନ୍ତି। (ଫଟୋ)
