ବୁଗୁଡ଼ା : ତା ୧୮/୦୭/୨୩ : ବୁଗୁଡ଼ା ସହର ଓ ଏହାର ଆଖପାଖ ଅଞ୍ଚଳରେ ପାଗଳ କୁକୁର କାମୁଡ଼ାରେ ୪ ଜଣ ମହିଳାଙ୍କ ସମେତ ୧୧ ଜଣ ଆହାତ ହୋଇ ମେଡିକାଲରେ ଚିକିତ୍ସିତ ହୋଇଥିବା ବେଳେ ଆତଙ୍କିତ ଲୋକେ ବାଧ୍ୟ ହୋଇ ସେହି ପାଗଳ କୁକୁରଟିକୁ ମାରି ଦେଇଥିବା ଜଣାଯାଇଛି । ପ୍ରକାଶ ଯେ , ଆଜି ଅପରାହ୍ନରେ ପାଗଳ କୁକୁରଟି ବୀରଧନଞ୍ଜୟପୁର ଶାସନର ସସ୍ମିତା ପ୍ରଧାନ , ନଗୁଡୁ ଗ୍ରାମର ରାମଚନ୍ଦ୍ର ଗୌଡ , ମାଣିତରା ଗ୍ରାମର ଦେବାଶିଷ ବାରିକ , ପୋଚାଲୁଣ୍ଡି ଗ୍ରାମର ସନ୍ଧ୍ୟାରାଣୀ ବେହେରା , ବୁଗୁଡ଼ାର ସୁନୀତା ପାତ୍ର , ପ୍ରସନ୍ନ ନାୟକ ଓ ଗୁଡୁ ବେହରାଙ୍କୁ କାମୁଡି ଥିଲା । ଏଥି ସହ ବିଭିନ୍ନ କାମରେ ବୁଗୁଡ଼ାକୁ ଆସିଥିବା ବେଲଗୁଣ୍ଠା ଗ୍ରାମର ଦେବାଶିଷ ବିନ୍ଧାଣୀ ରା , କଙ୍କରଡା ଗାଁର ପୂର୍ଣ୍ଣବାସୀ ବରାଡ , ସୋରିଷମୂଳି ଗାଁର ନିଖିଳ ପ୍ରଧାନ , ସାକିରି ଗ୍ରାମର ମହାଜାନ ନାୟକ ମଧ୍ୟ ସେହି କୁକୁରଟିର କାମୁଡ଼ାରେ ଆହତ ହୋଇଥିଲେ । ଫଳରେ ଅପରାହ୍ନରୁ ଚାରିଟାରୁ ସନ୍ଧ୍ୟା ପର୍ଯ୍ୟନ୍ତ କୁକୁର କାମୁଡ଼ାରେ ଆହତଙ୍କ ସମେତ ଅନ୍ୟ ଲୋକଙ୍କ ଭିଡ ବୁଗୁଡ଼ା ମେଡିକାଲରେ ଜମିଥିଲା । କୁକୁର କାମୁଡ଼ାରେ ଖଣ୍ଡିଆ ଖାବରା ହୋଇଥିବା ଆହତଙ୍କୁ ମେଡିକାଲରେ ଆଣ୍ଟି ରେବିଜ୍ ଭେକ୍ସିନ୍ ଦିଆଯାଇଥିଲା । ସହରରେ ସେହି ପାଗଳ କୁକୁରଟିର ଆତଙ୍କ ଖେଳି ଯାଇଥିବା ବେଳେ ଲୋକେ ବୁଗୁଡ଼ା ସହରର ବିଚ୍ ରାସ୍ତାରେ ତାକୁ ବାଡାଇ ବାଡାଇ ମାରି ଦେବା ପରେ ପାଗଳ କୁକୁର ଆତଙ୍କ ଥମିଥଲା ।
