ପେଷାଦାରୀ ବଞ୍ଜାରା ଚୋର ଗ୍ୟାଙ୍ଗକୁ ଧରିଲା କମିଶନରେଟ ପୋଲିସ। ବଞ୍ଜରା ଦଳ ନିଜର ପରିବାର ପିଲା ଛୁଆ ମାନଙ୍କୁ ଧରି ବସଷ୍ଟାଣ୍ଡ, ରେଲୱେ ଷ୍ଟେସନ ମାନଙ୍କରେ ନିର୍ଦୋନ୍ଦରେ ବସବାସ କରୁଥିବା ଦେଖିବାକୁ ମିଳିଥାଏ। ଏହି ବଞ୍ଜରା ଦଳର ପୁରୁଷ ମହିଳା ମାନେ ଦିନରେ ଛୋଟ ମୋଟ ବ୍ୟବସାୟ ମାଧ୍ୟମରେ ବିଭିନ୍ନ ପ୍ରାନ୍ତରେ ଭିନ୍ନ ଭିନ୍ନ ଘର ବୁଲି ଚୋରି କରିବାର ଉପାୟ ଖୋଜିଥାନ୍ତି। ସେହି ମାଧ୍ୟମରେ ରାତିରେ ଚୋରି କରିଥାନ୍ତି। ଗ୍ୟାଙ୍ଗର ପୁରୁଷ ମାନେ ରାତିରେ ଟିକେ ଦୂରକୁ ଯାଇ ଚୋରି ଲୁଟ୍ ପାଟ କରିଥାନ୍ତି। ମହିଳା ମାନଙ୍କ ଦ୍ଵାରା ଚିହ୍ନଟ କରି ଏକୁଟିଆ ଘରକୁ ଏହି ଗ୍ୟାଙ୍ଗ ଟାର୍ଗେଟ କରିଥାନ୍ତି। ଏମାନେ ଚୋରି କରିବାକୁ ଯିବା ସମୟରେ କୌଣସି ପୋଷାକ ବ୍ୟବହାର କରନ୍ତି ନାହିଁ କିମ୍ବା କୌଣଷି ମୋବାଇଲ, ଆବାଜ୍ କରୁଥିବା ଯନ୍ତ୍ର ବ୍ୟବହାର କରନ୍ତି ନାହିଁ। ବଞ୍ଜରା ମାନେ ଗତ କାଲି ଚୋରି କରିବାର ଷଡଯନ୍ତ୍ର କରୁଥିବା ସମୟରେ କମିଶନରେଟ ପୋଲିସ୍ ସେମାନଙ୍କୁ କାବୁ କରିଛି। ମିଳିଛି କିଛି କ୍ୟାସ ଏବଂ ସୁନା ଅଳଙ୍କାର ସେମାନଙ୍କ ଠାରୁ ଜବତ କରାଯାଇଛି। ବଞ୍ଜରା ମାନଙ୍କର ରାଜ୍ୟ ବାହାରକୁ ମଧ୍ୟ ଯୋଗାଯୋଗ ସମ୍ପର୍କ ଲମ୍ବିଥିବା ପୋଲିସ୍ ଜାଣିବାକୁ ପାଇଛି। ଗତକାଲି ୧୧ ଜଣ ଚୋରଙ୍କୁ ଧରିଛି ପୋଲିସ। ଏମାନଙ୍କ ନାମରେ ବିଭିନ୍ନ ଥାନାରେ ୧୬ ଟି କେସ ରେ ଏମାନଙ୍କର ସଂପୃକ୍ତି ରହିଛି। ସାମ୍ବାଦିକ ସମ୍ମିଳନୀରେ ସୂଚନା ଦେଲେ ଭୁବନେଶ୍ବର ଡିସିପି।
