ପରଜଙ୍ଗ : ଏହି ବ୍ଲକ କଙ୍କଡ଼ାସୋଡା ପଞ୍ଚାୟତର ଗଡମୁହାଁ ସାହିରେ ନିଆଁ ଲାଗି ଗୋଟିଏ ପରିବାର ସର୍ବସ୍ବାନ୍ତ। ସୂଚନା ମୁତାବକ ସେହି ସାହିର କୃଷ୍ଣ ଚନ୍ଦ୍ର ସିଂହ ନିଜର ଚାଳଛପର ଘରେ ଦୈନନ୍ଦିନ ଅବସ୍ଥାରେ ସପରିବାର ସହିତ ରହୁଥିଲେ। ଚାଳଛପର ଘରେ ରୋଷେଇ କରୁଥିବା ବେଳେ ପାଖରେ ଶୁଖାଯାଇଥିବା ଲୁଗା ଶର୍ସ୍ପରେ ନିଆଁ ଲାଗି ସମ୍ପୂର୍ଣ୍ଣ ଘରକୁ ବ୍ୟାପି ଯାଇଥିବା ପରିବାର ଲୋକେ ଅନୁମାନ କରୁଛନ୍ତି। ଖବର ପାଇ ପରଜଙ୍ଗ ଅଗ୍ନିଶମ କର୍ମଚାରୀ ପହଞ୍ଚି ନିଆଁ ଲିଭାଇବା ବେଳକୁ ସମସ୍ତ ଆସବାବପତ୍ର,ନଗଦ କିଛି ଟଙ୍କା, ପିଲାମାନଙ୍କର ପାଠପଢା ସାମଗ୍ରୀ ଜଳି ନଷ୍ଟ ହୋଯାଇଛି ବୋଲି ଶ୍ରୀ ସିଂହ କହିଛନ୍ତି। ତୁରନ୍ତ ପ୍ରଶାସନ ସମସ୍ତ ସରକାରୀ ସୁବିଧା ଯୋଗାଇଦେବା ନିମନ୍ତେ ଗ୍ରାମବାସୀ ନିବେଦନ କରିଛନ୍ତି।
