ଜଳେଶ୍ବର,୨୫/୬(ନ.ନୁ. ସ) ବାଲେଶ୍ୱର ଜିଲ୍ଲା ଜଳେଶ୍ୱର ବ୍ଲକ ଅନ୍ତର୍ଗତ ଶ୍ରୀରାମପୁର ପଂଚାୟତର ଶ୍ରୀରାମପୁର ଗାଁରେ ଏକ ଅଭାବନୀୟ ଘଟଣା ଘଟିଛି। ସେହି ଗ୍ରାମର ଭାନୁ ଚରଣ ମଲ୍ଲିକଙ୍କ ପୁତ୍ର ଦୂର୍ଯଧନ ମଲ୍ଲିକ(୫୦) ଚାଷ କାର୍ଯ୍ୟ ପାଇଁ ଆଜି ଦିନ ୧୧ ଟା ସମୟରେ ତାଙ୍କ ନିଜର ବିଲରେ ଥିବା ଏକ ସେଲୋରୁ ପାଣି ଛାଡ଼ିବକୁ ଯାଇ ମେନ୍ସୁଇଚ ଅନ୍ କରିବାରୁ ସେଥିରୁ ବିଦୁତ୍ ସ୍ପର୍ଶରେ ଆସି ଆଘାତ୍ ହୋଇ ଟଳି ପଡ଼ିଥିଲେ ଏବଂ ସେହିଠାରେ ହିଁ ତାଙ୍କର ପ୍ରାଣବାୟୁ ଚାଲି ଯାଇଥିଲା । ସ୍ଥାନୀୟ ଲୋକେ ତାଙ୍କୁ ଦେଖି ଘରକୁ ବୋହି ଆଣିଥିଲେ। ଏହି ଦୁର୍ଘଟଣା ପରେ ପରିବାର ଏବଂ ଗାଁରେ ଶୋକର ଛାୟା ଖେଳି ଯାଇଛି। ଦୂର୍ଯଧନଙ୍କର ଦୁଇ ପୁଅ ଏବଂ ସ୍ତ୍ରୀ ଦୁଃଖରେ ଭାଙ୍ଗି ପଡିଛନ୍ତି।ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ବେଳେ ଶବକୁ ବ୍ୟବଚ୍ଛେଦ ପାଈଁ ଜଳେଶ୍ଵରକୁ ପଠା ଯାଇଛି। ଉକ୍ତ ଘଟଣା ସ୍ଥଳରେ ପଞ୍ଚାୟତର ସରପଞ୍ଚ ଆଲୋକ କୁମାର ଗିରି ଓ ସମିତି ସଭ୍ୟ ଗୋପାଳ ଚନ୍ଦ୍ର ସାମଲ ଘଟଣା ସ୍ଥଳରେ ପହଞ୍ଚି ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି । ପରିବାର ତରଫରୁ ସରକାରଙ୍କୁ କ୍ଷତି ପୂରଣ ପ୍ରଦାନ ପାଇଁ ଦାବି କରିଛନ୍ତି ।
