ବ୍ରହ୍ମପୁର ; ମହୁଡା ଡବଲ ମର୍ଡର ଘଟଣାରେ ଦିଗପହଣ୍ଡି ପୋଲିସକୁ ମିଳିଛି ସଫଳତା । ଏହି ଘଟଣାରେ ଦିଗପହଣ୍ଡି ପୁଲିସ ପୂର୍ବରୁ ୩ଜଣଙ୍କୁ ଗିରଫ କରିଥିବା ବେଳେ ଆଜି ୩ ଅଭିଯୁକ୍ତଙ୍କୁ ଗିରଫ କରିବାରେ ପୂର୍ଣ୍ଣ ସଫଳ ହୋଇଛି । ଗତ କିଛିଦିନ ତଳେ ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ମହୁଡା ଗ୍ରାମ ନିକଟରେ ଦୁଇଜଣ ଯୁବକଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା l ଏହାକୁ ଭିତ୍ତି କରି ଦିଗପହଣ୍ଡି ପୋଲିସ, ବ୍ରହ୍ମପୁର ଏସପି, ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ୩ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଥିଲେ l ଗିରଫ ଅଭିଯୁକ୍ତ ମାନେ ହେଲେ ଅପୁର୍ବ ବସ୍ତିଆ, (୩୯) ପିତା ବାଉରୀ ବସ୍ତିଆ,୨) ବୁଢା ଓରଫ ପବିତ୍ର ନାୟକ (୨୧) ପିତା ଲଡୁ ନାୟକ, ସଞୟ ସାହୁ (୪୫) ପିତା କୀର୍ତ୍ତନ ସାହୁ ଏହି ଅଭିଯୁକ୍ତ ମାନଙ୍କୁ ଦିଗପହଣ୍ଡି ଥାନା ପୋଲିସ୍ ପୂର୍ବରୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଆଜି ଅର୍ଥାତ ବୁଧବାର ୨/୮ ତାରିଖ ଦିନ ଉକ୍ତ ଘଟଣାରେ ସମ୍ପୃକ୍ତ ୩ ଅଭିଯୁକ୍ତ ଶିବରାମ ଚର୍ଚ୍ଚା (୩୭)ପିତା ଦଣ୍ଡପାଣି ଚର୍ଚ୍ଚା, ବୁଢା ଜଗନ୍ନାଥ ନାୟକ (୨୪) ପିତା ଏକାଦଶୀ ନାୟକ, ବିପିନ ଓରଫ ଦୁଃଖୀରାମ ମାଝୀ(୨୪)କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବ୍ରହ୍ମପୁର ଏସପି ଡ.ସର୍ବଣା ବିବେକ ଏମ ସୂଚନା ଦେଇଛନ୍ତି ।
