କଟକ, ୨୫/୮ ସଦର ଥାନା ଅନ୍ତର୍ଗତ ଗୋପାଳପୁର କାଠଯୋଡି ପୋଲ ଉପରେ ଦୁର୍ଘଟଣା ଘଟି ଜଣେ ଯୁବତୀଙ୍କ ମୃତ୍ୟୁ ଘଟିଛି । ମୃତକ ଯୁବତୀ ଜଣକଙ୍କ ନାମ ସ୍ନେହା ସାହୁ । ସେ ଭୁବନେଶ୍ୱରରୁ କଟକ ଅଭିମୁଖେ ସ୍କୁଟି ଯୋଗେ ଆସୁଥିଲା ବେଳେ ଏକ ଟ୍ରକ ତାଙ୍କୁ ପଛରୁ ଧକ୍କା ଦେଇଥିଲା । ଫଳରେ ସେ ଛିଟିକି ପଡି ଗୁରୁତର ଭାବେ ଆହତ ହୋଇଥିଲେ । ସଦର ଥାନା ପୋଲିସ ଘଟଣାସ୍ଥଳରେ ପହଂଚି ତାଙ୍କୁ ଆମ୍ବୁଲାନ୍ସ ଯୋଗେ କଟକ ବଡ ଡାକ୍ତରଖାନାକୁ ପଠାଇଥିଲା । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୋଲିସ ଗାଡିକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି । ସ୍ନେହା ଏକ ଘରୋଇ ଅର୍ଥ ଯୋଗାଣକାରୀ କମ୍ପାନୀରେ କାମ କରୁଥିଲେ । ଆଜି ସ୍କୁଟିରେ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା ।
