ବୁଗୁଡ଼ା : ତା ୦୧/୦୯/୨୩ : ରକ୍ଷା ବନ୍ଧନରେ ଭିଣୋଇ ମାଡ଼ରେ ଶଳା ଗୁରୁତର l ଘଟଣା ଘଟିଛି ବୁଗୁଡ଼ା ଥାନା ଅନ୍ତର୍ଗତ ଚଡିଆପଲ୍ଲୀ ଗ୍ରାମରେ l ପୋଲିସ ଏ ନେଇ ୬୨୦/୨୩ ରେ ଏକ ମାମଲା ରୁଜୁ କରି ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି l ଗିରଫ ଅଭିଯୁକ୍ତ ଦୁହେଁ ହେଲେ ଚଡିଆପଲ୍ଲୀ ଗ୍ରାମର ଗଣେଶ ସେଠୀ ଓ ଗଣେଶଙ୍କ ଭିଣୋଇ ବାଲିପଦର କରଣ ସାହିର ଅରୁଣ ସେଠୀ l ପ୍ରକାଶ ଯେ , ରକ୍ଷା ବନ୍ଧନ ଦିନ ଗଣେଶ ସେଠୀଙ୍କ ଘରକୁ ୨ ଭଉଣୀ ଓ ଭିଣୋଇ ଅରୁଣ ଆସିଥିବା ବେଳେ ଗଣେଶଙ୍କ ଘର ସାମ୍ନାରେ ରହୁଥିବା ତାଙ୍କ ଶଳା ଭିକାରୀଙ୍କ ସହ ପାଟି ତୁଣ୍ଡ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଗଣେଶ ଓ ଅରୁଣ ଶାବଳ ଓ କାଠ ଫାଳିଆରେ ଭିକାରୀଙ୍କ ପରିବାର ଉପରେ ଆକ୍ରମଣ କରିଥିଲେ । ଆକ୍ରମଣରେ ଭିକାରୀ ଗୁରୁତର ଆହତ ହୋଇଥିବା ବେଳେ ତାଙ୍କ ସ୍ତ୍ରୀ ମାମି ଓ ବିବାହିତା ଝିଅ ଲିଜା ଓ ସାନ ଝିଅ ପୂଜା ମଧ୍ୟ ଆହତ ହୋଇଥିଲେ l ଏ ନେଇ ଭିକାରୀ ଥାନାରେ ଅଭିଯୋଗ କରିବା ପରେ ଏସଆଇ ବିନାୟକ ବିଧାର ଘଟଣାର ତଦନ୍ତ କରି ଗଣେଶ ଓ ଅରୁଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ l
