ବୁଗୁଡା : ବୁଗୁଡା ବ୍ଳକ ଅନ୍ତର୍ଗତ ଘୋଳପୁର ଗ୍ରାମରେ ଭାରତୀୟ ଜନତା ପାର୍ଟି ପକ୍ଷରୁ ମଙ୍ଗଳବାର ଦିନ “ମୋ ମାଟି, ମୋ ଦେଶ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଘୁମୁସର ସାଙ୍ଗଠନିକ ଜିଲ୍ଲା ବିଜେପି ସଭାପତି ଗୋକୁଳାନନ୍ଦ ମଲ୍ଲିକଙ୍କ ନେତୃତ୍ଵରେ ତାଙ୍କ ଜନ୍ମ ମାଟି ଘୋଳପୁର ଗ୍ରାମରେ ଦେଶ ପାଇଁ ବଳିଦାନ ଦେଇଥିବା ବୀର ଶହିଦମାନଙ୍କ ପାଇଁ ସମର୍ପିତ ଅଭିଯାନ “ମୋ ମାଟି, ମୋ ଦେଶ” କାର୍ଯ୍ୟକ୍ରମରେ ସେ ଏବଂ ଅନ୍ଯ କର୍ମକର୍ତ୍ତାମାନେ ଘରକୁ ଘର ଯାଇ ଅମୃତ କଳସରେ ମାଟି ସଂଗ୍ରହ କରିଥିଲେ। । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବିଜେପିର ଜିଲ୍ଲା ସାଧାରଣ ସମ୍ପାଦକ ନୀଳମାଧବ ପାତ୍ର, ବରିଷ୍ଠ ନେତା ବିନାୟକ ତ୍ରିପାଠୀ, ବୁଡୁଡ଼ା ବ୍ଲକ୍ ଆବାହକ ହରିକୃଷ୍ଣ ସାହୁ, ଗ୍ରାମ ସଭାପତି ଖଦାଳ ଗୌଡ, ସଙ୍କୁରୁ ସରପଞ୍ଚ ସୁଶାନ୍ତ କୁମାର ରାଉତ,ଭାବଗ୍ରାହୀ ମହାନ୍ତି,ରାଜକିଶୋର ସ୍ୱାଇଁ, ପୋଲସରା ବିସ୍ତାରକ ସୌମ୍ୟା ରଞ୍ଜନ ସାହୁଙ୍କ ସମେତ ବହୁ ଯୁବ ବିଜେପି କାର୍ଯ୍ୟକର୍ତ୍ତା ଯୋଗ ଦେଇଥିଲେ।
