ନୂଆପଡ଼ା ଜିଲ୍ଲା ବୋଡ଼େନ ଥାନା ସ୍ଥିତ ରାଜପୁର ଗ୍ରାମ ନିକଟରେ ଥିବା ଝିର୍ନିଖୋଲ ଗ୍ରାମଠାରେ ରାତ୍ର ପ୍ରାୟ ୧୨ ଘଣ୍ଟା ସମୟରେ ଦୁଇ ବାଇକ ମୁହାଁ ମୁହିଁ ହେବା ପରେ ଉକ୍ତ ଦୁର୍ଘଟଣାଟି ଘଟିଥିବା ସୂଚନା ମିଳିଛି। ସ୍ତାନୀୟ ଲୋକଙ୍କ ଚର୍ଚ୍ଚା ଅନୁଯାୟୀ ଯୁବକ ମାନେ ଦୁର୍ଗା ପୂଜା ଦେଖିବା ପାଇଁ ବୋଡେ଼ନ ଆସିଥିଲେ। ହେଳେ ଫେରିବା ସମୟରେ ଦୁଇ ବାଇକ ଚାଳକ ନିଜ ଭାରସାମ୍ୟ ହରାଇ ମୁହାଁ ମୁହିଁ ଧକ୍କା ହୋଇଥିଲେ। ଯାହା ଫଳରେ ଘଟଣା ସ୍ଥଳରେ ହିଁ ତିନି ଜଣଙ୍କ ମୃତ୍ୟୁ ଘଟିଥିଲା। ବୋଡେ଼ନ ଗୋଷ୍ଟି ସ୍ଵାସ୍ଥ୍ୟ କେନ୍ଦ୍ରରେ ଜଣଙ୍କ ମୃତ୍ୟୁ ଘଟିଥିବା ବେଳେ ତିନି ଜଣଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବା ଯୋଗୁଁ ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଲୟକୁ ସ୍ଥାନାନ୍ତର କରାଯାଇଛି। ମୃତ୍ୟୁ ଯୁବକ ମାନେ ହେଲେ ଭଏଷାଦାନୀ ଗ୍ରାମର ରୋହିତ ମାଝି,କମଳାମାଲ୍ ଗ୍ରାମର ଦେବନ୍ତ ମାଝି ଓ ପିଙ୍କୁ ମାଝୀ ଏବଂ ଭୀମାପଦର ଗାଁର ହେମାନନ୍ଦ ମାଝୀଙ୍କ ମୃତ୍ୟୁ ଘଟିଥିବା ବୋଡେ଼ନ ପୋଲିସ ପକ୍ଷରୁ ସୂଚନା ମିଳିଛି। ଏହି ଛାତି ଥରା ଦୁର୍ଘଟଣାକୁ ଦେଖି ଅନେକ ଲୋକଙ୍କ ମନରେ ଅନେକ ପ୍ରଶ୍ନ ସୃଷ୍ଟି କରୁଛି ଏବଂ ଯାହାର ମୁଖ୍ୟା କାରଣ ହେଉଛି ଅବକାରୀ ବିଭାଗର ସଲାସୁତୁରାରେ ରାସ୍ତା କଡ଼ରେ ଛକକୁ ଛକୁ ବେଆଇନ ମଦ କୋଠି ହୁ ହୁ ହୋଇ ବଢ଼ି ଚାଲିଛି ଏବଂ ସବୁ ଜାଣି ଶୁଣି ନିଜ ପକେଟ ଗରମ କରି ଚୁପ ରହୁଥିବା କଥା ଅଞ୍ଚଳରେ ଚର୍ଚ୍ଚା ହେଉଛି। ଯାହା ଫଳରେ ଦିନକୁ ଦିନ ଦୁର୍ଘଟଣା ବଢ଼ିବାରେ ଲାଗିଛି।ତେଣୁକରି ତୁରନ୍ତ ଏହାର ସମାଧାନ ପାଇଁ ସର୍ବସାଧାରଣରେ ଦାବି ହେଉଛି।
