ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ନର୍ବାଚନମଣ୍ଡଳୀ କୋଦଳା ଦଣ୍ଡେଶ୍ୱର ପୀଠ ଠାରେ ପାଳିତ ହୋଇଯାଇଛି ବିଜେଡି ର 27 ତମ ପ୍ରତିଷ୍ଠା ଦିବସ l ବିଧାୟିକା ଲତିକା ପ୍ରଧାନ ଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ହଜାର ହଜାର ମହିଳା ପୁରୁଷ ସମର୍ଥକ ସାମିଲ ହୋଇ ବିଜେଡି ସରକାର ଓ ସଭାପତି ତଥା ବିଜେଡି ସୁପ୍ରିମ ନବୀନ ପଟ୍ଟନାୟକ ଙ୍କ ବିଭିନ୍ନ ଉନ୍ନୟନ ମୂଳକ ଯୋଜନା ଏବଂ ବିଧାୟିକା ଙ୍କ ଦ୍ୱାରା ଗତ ଚାରି ବର୍ଷ ରେ ହୋଇଥିବା ଜାନାଭିମୁଖୀ ଯୋଜନା ବିଷୟରେ ଆଲୋଚନା ହୋଇଥିଲା l
ଆସନ୍ତା ସାଧାରଣ ନିର୍ବାଚନ ରେ କବିସୂର୍ଯ୍ୟନଗର ନିର୍ବାଚନ ମଣ୍ଡଳୀ ରୁ ପୁଣିଥରେ ଲତିକା ପ୍ରଧାନ ଙ୍କୁ ବିଜେଡି ଟିକେଟ ରେ ବିଜୟିକରି ଅଞ୍ଚଳର ବିକାଶ ଯାତ୍ରା କୁ ବଜାୟ ରଖିବାକୁ ଶପଥ ନେଇଥିଲେ କର୍ମୀ l ଅନ୍ୟପଟେ କିଛିଦିନ ପୂର୍ବେ ମୁଖ୍ୟମନ୍ତ୍ରୀ ଙ୍କ ନାମ ନେଇ ମହିଳା ସମାବେଶ କରିଥିବା ନେତା ଙ୍କୁ ଏହି ବିଶାଳ ଜନ ସମାବେଶ ଶକ୍ତ ଝଟକା ଦେଇଥିବା ବେଳେ ନିର୍ଵାଚନ ସମୟରେ ଧଳା ଖୋଳ ପକାଇ ନିଜକୁ ବିଜେଡି କର୍ମୀ ଓ ସମାଜସେବୀ କହି ଲୋକଙ୍କୁ ଭୁଆଁ ବୁଲାଉ ଥିବା ସିଜନ ନେତା ଙ୍କ ଠାରୁ ଦୁରେଇ ରହିବାକୁ ଅନୁରୋଧ କରିଥିଲେ ମଞ୍ଚାସିନ ଅତିଥି l ଏହି ଅବସର ରେ ବେଗୁନିଆପଡା, ପୁରୁଷୋତ୍ତମପୁର ବ୍ଲକ ଅଧକ୍ଷା, ଉପାଧକ୍ଷା, କବିସୂର୍ଯ୍ୟନଗର ଏନଏସି ଅଧକ୍ଷା, କାଉଁସିଲର ଙ୍କ ସମେତ ସମସ୍ତ ଜିଲ୍ଲାପରିଷଦ ସଦସ୍ୟ, ଅନେକ ପଞ୍ଚାୟତ ର ସରପଞ୍ଚ, ସମିତିସଭ୍ୟ ଓ ବିଜୁ ଜନତା ଦଳର ନଗର ଓ ବ୍ଲକ ସ୍ତରୀୟ ଯୁବ, ଛାତ୍ର,ମହିଳା ପଦାଧିକାରୀ ଉପସ୍ଥିତ ରହିଥିଲେ l
