ଅଯୋଧ୍ୟା ରେ ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀରାମଚନ୍ଦ୍ର ଙ୍କ ର ପ୍ରାଣ ପ୍ରତିଷ୍ଠା ଉତ୍ସବ ସୋମବାର ଦିନ ଭବ୍ୟ ସମାରୋହରେ ଅନୁଷ୍ଠିତ ହୋଇଥିବା ବେଳେ ସାରା ଦେଶ ଭକ୍ତିମୟ ହେବା ସହ ବିଭିନ୍ନ ସ୍ଥାନରେ ନିରାଡମ୍ବର ଭାବେ ପ୍ରଭୁ ଶ୍ରୀରାମଚନ୍ଦ୍ର ଙ୍କ ର ପ୍ରାଣ ପ୍ରତିଷ୍ଠା ଉତ୍ସବକୁ ପାଳନ କରାଯାଇଥିଲା । ସେହି ପରିପ୍ରେକ୍ଷିରେ ଢେ଼ଙ୍କାନାଳ ଜିଲ୍ଲା ହିନ୍ଦୋଳ ବ୍ଳକ୍ ର ପ୍ରତ୍ୟେକ ପୁରପଲ୍ଲୀରେ ହୋମଯଜ୍ଞ କରାଯିବା ସହ ପ୍ରତ୍ୟେକ ଘରେ ଘରେ ଦୀପ ପ୍ରଜ୍ଜ୍ୱଳନ କରାଯାଇଥିଲା। ଏଥିସହିତ ବିଭିନ୍ନ ଗ୍ରାମ୍ୟ ମନ୍ଦିର ଗୁଡିକରେ ମଧ୍ୟ ନାମ ସଂକୀର୍ତ୍ତନ ସହ ପ୍ରଭୁ ଶ୍ରୀରାମ ଙ୍କ ଉଦ୍ଦେଶ୍ୟରେ ଦୀପ ପ୍ରଜ୍ଜ୍ୱଳନ କରାଯାଇଥିଲା । ହଜାର ହଜାର ସଂଖ୍ୟାରେ ଲୋକମାନେ ଏକତ୍ରିତ ହୋଇ ଖୁସି ଆନନ୍ଦରେ ପ୍ରଭୁ ଶ୍ରୀରାମ ଙ୍କୁ ଆରାଧନା କରୁଥିବା ମଧ୍ୟ ଦେଖିବାକୁ ମିଳିଥିଲା। ଏଥିରେ ପୁରୁଷ ଓ ମହିଳା ସଂକୀର୍ତ୍ତନ ମଣ୍ଡଳୀ ଯୋଗଦେଇ ଶ୍ରୀରାମ ଙ୍କ ଭଜନ ଭାବଭକ୍ତିର ସହ ପରିବେଷଣ କରୁଥିବାର ମଧ୍ୟ ଦେଖିବାକୁ ମିଳିଥିଲା। ସେଦିନ ଏମିତି ଦୃଶ୍ୟମାନ ହେଉଥିଲା ଯାହାକି ଦୀପାବଳୀ ପରି ମନେ ହେଉଥିଲା। ପ୍ରଭୁ ଶ୍ରୀରାମ ଙ୍କ ଭାବରେ ଆବାଳ ବୃଦ୍ଧ ବନିତା ଏତେ ମଜ୍ଜି ଯାଇଥିଲେ ଯେ ତାହା ଭାଷାରେ ବର୍ଣ୍ଣନା କରିହେବ ନାହିଁ।
ଦୀପକ କୁମାର ନାଏକ, ହିନ୍ଦୋଳ
