ସୁକିନ୍ଦା ୨୨/୩ : କାଳବୈଶାଖୀ ଝଡ଼ ଓ ଲଗାଣ ବର୍ଷାରେ ସୁକିନ୍ଦା ବ୍ଲକ ଅନ୍ତର୍ଗତ କୁହିକା ପଞ୍ଚାୟତ ମୂଳଖମ୍ବ ଗ୍ରାମ ର ୫ ଗୋଟି ଗରିବ ଦଳିତ ପରିବାର ବିଶେଷ କ୍ଷତିଗ୍ରସ୍ତ ହୋଇଛନ୍ତି। ୨ ଅସହାୟ ବିଧବା ମହିଳା ମୃତ ଖଣି ଶ୍ରମିକ ସ୍ବର୍ଗତ ରମେଶ ପାତ୍ରଙ୍କ ପତ୍ନୀ ରୁକ୍ମଣୀ ଓ ସ୍ବର୍ଗତ ପ୍ରହଲଦା ପାତ୍ରଙ୍କ ପତ୍ନୀ ପୁଷ୍ପଲତା, ଖଣି ଶ୍ରମିକ ବସନ୍ତ ପାତ୍ର, ବିଷ୍ଣୁ ପ୍ରସାଦ ପାତ୍ର ଓ ଚରଣ ପାତ୍ରଙ୍କ ଛଣଛପର ଘର କିଛିକାଂଶରେ ଉଡ଼ାଇନେବା ସହ ଅବିରତ ପାଣି ଗଳିବାରୁ ମାଟିକାନ୍ଥ କ୍ଷତିଗ୍ରସ୍ତ ହୋଇଛି।
ସୁକିନ୍ଦା ରିଜିଅନ କ୍ରୋମାଇଟ୍ ଖାଦାନ ମଜଦୁର ସଂଘ ପକ୍ଷରୁ ସାଧାରଣ ସମ୍ପାଦକ ନାରାୟଣ ଚନ୍ଦ୍ର ଧୀର, ବ୍ରଜ କିଶୋର ବାରିକ, ପଞ୍ଚାନନ ପାତ୍ର, ସୁକାନ୍ତ କୁମାର ନାୟକ, ରଞ୍ଜନ କୁମାର ବାରିକ ପ୍ରମୁଖ କ୍ଷତିଗ୍ରସ୍ତଙ୍କ ପାଖେ ପହଞ୍ଚି ପଲିଥିନ୍ ଓ ଆର୍ଥିକ ସହାୟତା ଦେଇଥିଲେ। ରାଜସ୍ବ ବିଭାଗ ପକ୍ଷରୁ କ୍ଷୟକ୍ଷତି ଆକଳନ କରାଯାଇଛି, ଖୁବଶୀଘ୍ର ସହାୟତା ଦିଆଯିବ ବୋଲି ଆର୍ଆଇ ଅସ୍ରଫ୍ ଅଲ୍ଲୀ ସୂଚନା ଦେଇଛନ୍ତି।ସୁକିନ୍ଦା ରୁ ରଞ୍ଜନ ବାରିକ୍ ରିପୋର୍ଟ
