ନୂଆପଡା: ପୁଣି ନୂଆପଡ଼ାରେ ଲାଲବାହିନୀଙ୍କ ଆତଙ୍କ । ଯବାନଙ୍କ ଉପରକୁ ଆକ୍ରମଣ। ୩ ଯବାନ ଶହୀଦ ହୋଇଥିବା ସୂଚନା। ସୂଚନାନୁଯାୟୀ,ନୂଆପଡା ଜିଲ୍ଲା ବୋଡେ଼ନ ଥାନା ଅନ୍ତର୍ଗତ ପlଟଧରା ସଂରକ୍ଷିତ ଜଙ୍ଗଲରେ ଘଟିଛି ଘଟଣା । ପlଟଧରା କ୍ୟାମ୍ପକୁ ଯାଉଥିବା ବେଳେ ୨୧୬ ବାଟାଲିୟନର ୧୯ ନମ୍ବର ଟିମର ଯବାନଙ୍କ ଉପରକୁ ମାଓବାଦୀ ଆତର୍କିତ ଗୁଳି ମାଡ଼ କରିଥିଲେ। ଯବାନଙ୍କ ପକ୍ଷରୁ ମଧ୍ୟ ପାଲଟା ଜବାବ ଦିଆଯାଇଥିଲା। ହେଲେ ଗୁଳିବିନିମୟରେ ତିନି ଜଣ ଯବାନଙ୍କ ମୃତ୍ୟୁ ହୋଇଥିବା ବେଳେ ୪ଯବାନ ଗୁରୁତର ଆହତ ହୋଇଛନ୍ତି। ଆହତମାନଙ୍କ ଚିକିତ୍ସା କରାଯାଉଛି। ଆକ୍ରମଣରେ ଶହୀଦ ହୋଇଥିବା ଯବାନମାନେ ହେଲେ ଏଏସଆଇ ଶିଶୁପାଳ ସିଂ,ଏଏସଆଇ ଶିବଲାଲ୍,କନେଷ୍ଟବଳ ଧର୍ମେନ୍ଦ୍ର ସିଂ। ଘଟଣା ସ୍ଥଳରେ ବିଭାଗୀୟ ବରିଷ୍ଠ ଅଧିକାରୀ ପହଞ୍ଚି ଥିବା ନେଇ ସୂଚନା। ଅତିରିକ୍ତ ଫୋର୍ସ ଘଟଣା ସ୍ଥଳରେ ପହଞ୍ଚିବା ସହ ସମ୍ପୂର୍ଣ୍ଣ ଅଞ୍ଚଳକୁ ସିଲ୍ କରି ସର୍ଚ୍ଚ ଅପରେସନ ଜାରି ରଖିଛନ୍ତି.ଓ ଖବରଲେଖ ହେବା ପର୍ଯ୍ୟନ୍ତ ତିନିଜଣ ଜବାନ ସହିଦ ହୋଇଥିବା ବେଳେ ଆଉ ଚାରି ଜଣ ଜବାନ ଗୁରୁତର ଆହତ ହୋଇଛନ୍ତି।
