ଶେଷ ଦିନରେ ବଳ କଷାକଷି ତିନି ପ୍ରମୁଖ ରାଜନୈତିକ ଦଳ । ବିଜେପି, ବିଜେଡି ଓ କଂଗ୍ରେସର ହେଭିୱେଟ ନେତା ତଥା ପ୍ରାର୍ଥୀ ପ୍ରଚାରରେ ଅନ୍ତିମ ସ୍ପର୍ଶ ଦେଇଛନ୍ତି । ଭୋଟରଙ୍କୁ ନିଜ ଆଡ଼କୁ ଟାଣିବା ସବୁ ପ୍ରକାର ଉଦ୍ୟମ କରିଛନ୍ତି । ଗତକାଲି ନବୀନ ଓ ଧର୍ମେନ୍ଦ୍ର ହାଇଭୋଲଟେଜ୍ ପ୍ରଚାର ଦେଖିବାକୁ ମିଳିଥିଲା । ଆଜି ଗଳିକନ୍ଦି, ବଜାର, ଛକରେ ବିଜେଡି ପ୍ରାର୍ଥିନୀ ଦୀପାଲି ଦାସ, କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ, ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀ ପ୍ରଚାର କରିଥିଲେ । ସେପଟେ ମତଦାନ ପାଇଁ ଝାରସୁଗୁଡାରେ ପହଂଚିଛି ଇଭିଏମ ମେସିନ୍ । ଇଭିଏମ୍ ମେସିନ୍ ଗୁଡିକୁ କଡା ସୁରକ୍ଷା ବଳୟ ଭିତରେ ବିଭିନ୍ନ ବୁଥକୁ ପଠାଯାଉଛି ।
