ଭଞ୍ଜନଗର, : ରାଜ୍ୟ ସରକାରଙ୍କ ପକ୍ଷରୁ ଗୁରୁବାର ପ୍ରକାଶ ପାଇଛି ଦଶମ ଶ୍ରେଣୀ ପରୀକ୍ଷା ଫଳ। ଏଥିରେ ଭଞ୍ଜନଗର ଅଞ୍ଚଳର ୬ ଗୋଟି ସ୍କୁଲରେ ଶତ ପ୍ରତିଶତ ପରୀକ୍ଷାର୍ଥି ପାସ୍ କରିଛନ୍ତି। ସରସ୍ବତୀ ଶିଶୁ ବିଦ୍ୟା ମନ୍ଦିର,ଗ୍ରାମ ପଞ୍ଚାୟତ ହାଇସ୍କୁଲ ଢିହପଢାଳ,ସରକାରୀ ଉଚ୍ଚ ବିଦ୍ୟାଳୟ ଇନ୍ଦାଗଡ,ଶ୍ରୀବତ୍ସ ଉଚ୍ଚ ବିଦ୍ୟାଳୟ,ତିଳିସିଂର ବିପ୍ରଚରଣ ଉଚ୍ଚ ବିଦ୍ୟାଳୟ,ଜିଲୁଣ୍ଡି ଗ୍ରାମର ମା ବୈଷ୍ଣବୀ ବାଳିକା ବିଦ୍ୟାଳୟ,ସାଇଗୁରୁକୁଳ ଆବାସିକ ବିଦ୍ୟାଳୟ ଓ ସତ୍ୟସାଇ ବିଦ୍ୟା ବିହାରର ଛାତ୍ରଛାତ୍ରୀ ମାନେ ଚଳିତ ଦଶମ ଶ୍ରେଣୀ ପରୀକ୍ଷାରେ ଶତପ୍ରତିଶତ ସଫଳତା ହାସଲ କରିଛନ୍ତି।ଏଥିପାଇଁ ବିଦ୍ୟାଳୟରେ ଖୁସୀର ମାହୋଲ ଖେଳି ଯାଇଛି। ଭଞ୍ଜନଗର ବ୍ଳକର ୨୬ ଜଣ ଛାତ୍ରଛାତ୍ରୀ ଏ୧ ରେ ପାସ୍ କରିଛନ୍ତି। ସରସ୍ବତୀ ଶିଶୁ ମନ୍ଦିରର ୧୫୯ ଜଣ ପରୀକ୍ଷା ଦେଇଥିବା ବେଳେ ସମସ୍ତ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି। ସେଥି ମଧ୍ୟରୁ ୧୭ ଜଣ ଏ ୱାନ୍ ପାଇଥିବା ବେଳେ ୫୪ ଜଣ ଏ ୨ ଏବଂ ୪୬ ଜଣ ବି ୧ ପାଇଛନ୍ତି। ସେହିପରି ଦୀନବନ୍ଧୁ ବେହେରା ବାଳିକା ଉଚ୍ଚ ବିଦ୍ୟାଳୟର ୩ ଜଣ,ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟର ୨ ଜଣ,ଗାଲେରୀ ସରକାରୀ ଉଚ୍ଚ ବିଦ୍ୟାଳୟ,ପଞ୍ଚାୟତ ହାଇସ୍କୁଲ ବଦାଙ୍ଗୀ,ଲେମ୍ଭାଇ ଉଚ୍ଚ ବିଦ୍ୟାଳୟ ଏବଂ ସତ୍ୟସାଇ ବିଦ୍ୟାବିହାରର ଜଣେ ଲେଖାଏଁ ପରୀକ୍ଷାର୍ଥି ଏ୧ ଗ୍ରେଡରେ ଉର୍ତ୍ତିର୍ଣ୍ଣ ହୋଇଛନ୍ତି। ପ୍ରକାଶିତ ପରୀକ୍ଷା ଫଳ ରେ ଢିହପଢାଳ ସରସ୍ବତୀ ଶିଶୁ ବିଦ୍ୟା ମନ୍ଦିର ଛାତ୍ରୀ ସଙ୍ଗୀତା ଗୌଡ଼ ୫୮୪ ମାର୍କ ରଖି ଭଞ୍ଜନଗର ବ୍ଳକ ଟପର ହୋଇଛନ୍ତି।
