ପରଜଙ୍ଗ,୧୩/୬: ଚଳିତ ବର୍ଷ ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ମ୍ୟାଟ୍ରିକ ପରୀକ୍ଷାରେ କୃତିତ୍ବ ଛାତ୍ରୀଙ୍କୁ ସମ୍ବର୍ଦ୍ଧିତ କଲେ ଶିକ୍ଷା ଅଧିକାରୀ। ପରଜଙ୍ଗ ବ୍ଲକର ମହେଶ୍ଚଦ୍ର ସୁବାହୁସିଂହ ନୋଡାଲ ବିଦ୍ୟାପୀଠର ଦୁଇ ଛାତ୍ରୀ ବି.ସ୍ଥିତାପ୍ରଜ୍ଞା ୫୪୪ ନମ୍ବର (୯୦.୭%) ଓ ସ୍ରୋତୋଶ୍ଵିନୀ ବିଶ୍ୱାଳ ୫୪୦(୯୦%) ନମ୍ବର ରଖି ପରଜଙ୍ଗ ବ୍ଲକ ପାଇଁ ଗର୍ବିତ କରିଛନ୍ତି । ମଙ୍ଗଳବାର ଦିନ ଉକ୍ତ ବିଦ୍ୟାପୀଠରେ କୃତିତ୍ୱ ଛାତ୍ରୀ ଦ୍ୱୟଙ୍କୁ ଫୁଲ ତୋଡା, ଉପଢୌକନ ଦେଇ ବ୍ଲକ ଶିକ୍ଷା ଅଧିକାରୀ ହରିହର ଦେହୁରୀ, ଅତିରିକ୍ତ ଶିକ୍ଷା ଅଧିକାରୀ ଦୟାନିଧି ପାଣି, ପ୍ରଧାନ ଶିକ୍ଷକ ରମେଶ ଚନ୍ଦ୍ର ପରିଡା ଓ ସମସ୍ତ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ରହି ସମ୍ବର୍ଦ୍ଧନା ଜଣାଇଥିଲେ ।
