ବୁଗୁଡ଼ା : ତା ୧୬/୦୬/୨୩ : ଚଳିତ ବର୍ଷ ସର୍ବଭାରତୀୟ ଡାକ୍ତରୀ ଶିକ୍ଷା ନିମନ୍ତେ ଅନୁଷ୍ଠିତ ପ୍ରବେଶିକା (ନିଟ୍) ପରୀକ୍ଷା ଫଳ ପ୍ରକାଶ ପାଇଛି । ଏଥିରେ ବୁଗୁଡା ଏନ୍ଏସି ଅନ୍ତର୍ଗତ ସିମାଞ୍ଚଳ ମାର୍ଗ ନିବାସୀ ଯୁଗଳ ଚରଣ ଦାଶଙ୍କ ପୁତ୍ର ମୟଙ୍କ ଦାଶ ସଫଳତା ହାସଲ କରିଛନ୍ତି । ସେ ନିଟ୍ ପରୀକ୍ଷାରେ ୭୨୦ ମାର୍କରୁ ୬୪୪ ନମ୍ବର ରଖି ସର୍ବଭାରତୀୟ ସ୍ତରରେ ୮୭୮୦ ସ୍ଥାନରେ ରହି ଡାକ୍ତରୀ ପାଠ୍ଯକ୍ରମ ପଢିବାକୁ ଯୋଗ୍ୟ ବିବେଚିତ ହୋଇଛନ୍ତି । ତାଙ୍କ ସଫଳତାର ଶ୍ରେୟ ସେ ବାପା, ମାଆ, ବଡ ଭଉଣୀ, ତାଙ୍କ ଶିକ୍ଷକ ଓ ଶିକ୍ଷୟିତ୍ରୀଙ୍କୁ ଦେଇଛନ୍ତି । ସେ ପ୍ରଥମିକ ଶିକ୍ଷା କାଳରୁ ହିଁ ବିଭିନ୍ନ ମେଧାବୃତ୍ତି ପରୀକ୍ଷାରେ କୃତିତ୍ବ ହାସଲ କରିଥିବା ବେଳେ ଦଶମ ଓ ଦ୍ବାଦଶ ଶ୍ରେଣୀରେ ଏ-୧ରେ ଉତ୍ତୀର୍ଣ୍ଣ ହୋଇ ଜଣେ ମେଧାବୀ ଛାତ୍ରର ପରିଚୟ ଦେଇଥିଲେ ।
