ବରୀ:(ନ ନ୍ୟୁ ସ):ବରୀ ବ୍ଲକ ଅନ୍ତର୍ଗତ ଅରଙ୍ଗାବାଦର ଚତର ଠାରେ ଯୁଧିଷ୍ଠିର ତ୍ରିପାଠୀ ଚାରିଟେବୁଲ୍ ଟ୍ରଷ୍ଟ, କମଳା ହୋମିଓ ସେବା ସଦନ ମିଳିତ ଆନୁକୂଲ୍ୟରେ ଟ୍ରଷ୍ଟର ସଭାଗୃହରେ ଜାତୀୟ ଚିକିତ୍ସିକ ଦିବସ ଏବଂ ଡ଼ଃ ବିଧାନ ଚନ୍ଦ୍ର ରାୟଙ୍କ ୧୪୧ ତମ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି ଏହି ସମାରୋହକୁ ଶିକ୍ଷାବିତ୍ କୁଞ୍ଜବିହାରୀ ଦାଶ ପ୍ରଦୀପ ପ୍ରଜ୍ବଳନ କରି ଉଦ୍ଘାଟନ କରିଥିଲେ l ପ୍ରଥମେ ଡ଼ଃ ବିଧାନ ଚନ୍ଦ୍ର ରାୟଙ୍କ ଫୋଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇ ସର୍ବଧର୍ମ ପ୍ରାର୍ଥନା ମାଧ୍ୟମରେ ସଭା କାର୍ଯ୍ୟ ଆରମ୍ଭ ହୋଇଥିଲା l ଏହି ଅବସରରେ ସୁସ୍ଥ ଶରୀର ମାନସିକ ଶାନ୍ତି କେଉଁ ଭଲି ଭାବରେ ଖାଦ୍ୟପେୟ ଏବଂ ଦିନଚର୍ଯ୍ୟା ମାଧ୍ୟମରେ ବିନା ଔଷଧ ପ୍ରୟୋଗ ଦ୍ୱାରା ସମ୍ଭବ ହୋଇପାରିବ ସେ ବିଷୟରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା ସମାରୋହର ଆବାହକ ଯୁବ ସମାଜସେବୀ ଡ଼ ବିଶ୍ୱନାଥ ତ୍ରିପାଠୀ ଡ଼ଃ ବିଧାନ ଚନ୍ଦ୍ର ରାୟଙ୍କ ଜୀବନାଦର୍ଶନ, ଚିକିତ୍ସା ବିଜ୍ଞାନ ପାଇଁ ଅବଦାନ ଏବଂ ସ୍ୱାଗତ ଭାଷଣ ଦେଇଥିଲେ ଏହି କାର୍ଯ୍ୟକ୍ରମରେ ସମ୍ମାନୀତ ଅତିଥିଭାବେ ବରିଷ୍ଠ ସମାଜସେବୀ ମଦନମୋହନ ପତି, ଅଜୟ କୁମାର ସାହୁ, ଭୂପତି ମଲ୍ଲିକ ପ୍ରଭୂତି ଯୋଗ ଦେଇଥିଲେ ଏହି କାର୍ଯ୍ୟକ୍ରମରେ ସୁନୀଲ କୁମାର ବେହେରା, କାହ୍ନୁ ଚରଣ ନାୟକ, ପ୍ରସନ୍ନ କୁମାର ପରିଡ଼ା, ସ୍ୱୟଂସମ୍ପୂର୍ଣ୍ଣା ତ୍ରିପାଠୀ, ପୂର୍ଣ୍ଣଚନ୍ଦ୍ର ସାହୁ, ଟ୍ରଷ୍ଟର ଅଧ୍ୟକ୍ଷା ଚଞ୍ଚଳା ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ହରପ୍ରସାଦ ପଣ୍ଡା ଧନ୍ୟବାଦ ଦେଇଥିଲେ l
